Elon Musk ХЧат платформасини тарғиб қилмоқда
Elon Musk фойдаланувчиларни Instagram шахсий хабарларидаги шифрлаш бекор қилингани фонида янги ХЧат хизматига ўтишга чақирди. Ixbt.com хабарига кўра, мазкур янги платформа ҳеч қандай «орқа эшиклар»сиз тўлиқ якуний шифрлаш тизимини тақдим этади. Шунингдек, мессенжер рекламасиз ишлайди, шахсий маълумотларни йиғмайди ҳамда юқори тезлик ва Х ҳисоб қайдномаси билан чуқур интеграцияни таъминлайди.
Elon Musk Х ижтимоий тармоғидаги фойдаланувчилардан бирининг Instagram платформасида шахсий хабарлар учун якуний шифрлаш (энд-то-энд энкрйптион) функцияси бекор қилингани ҳақидаги постини улашди. Миллиардер ушбу ҳолатни танқид қилиб, фойдаланувчиларни янги ХЧат хизматига ўтишга чақирди. Бу ҳақда Ixbt.com хабар беради.
ХЧат ўз фойдаланувчиларига ҳеч қандай «орқа эшиклар»сиз, тўлиқ якуний шифрлаш тизимини таклиф этади. Мазкур мессенжерда реклама мавжуд эмас ва у фойдаланувчиларнинг шахсий маълумотларини йиғмайди. Шунингдек, хизмат юқори тезлик ва Х ҳисоб қайдномаси билан чуқур интеграцияни таъминлайди.
Янги платформа WhatsApp ва Telegram каби йирик мессенжерларга рақобатчи сифатида ишлаб чиқилган. ХЧат имкониятлари орасида видео ва овозли қўнғироқлар, файллар алмашинуви, скриншотлардан ҳимоя қилиш ҳамда хабарларни барча иштирокчилар учун таҳрирлаш ёки ўчириш функциялари мавжуд.
Мускнинг фикрича, бошқа платформалар махфийликдан воз кечаётган бир пайтда, Х хавфсиз мулоқот келажагини барпо этмоқда. ХЧат фойдаланувчиларга қулайлик ва шахсий ҳаёт дахлсизлиги ўртасида танлов қилиш мажбуриятини юкламайди.
Изоҳлар 0
…