Машҳур линк-улаш хизмати Дигг ўз фаолиятини янгича форматда қайта тикламоқда. Аввалроқ Reddit платформасига рақобатчи сифатида қайта ишланган лойиҳа ботлар ҳужуми ва етарлича фарқланмаган функционаллик сабабли ёпилишга мажбур бўлган эди. Эндиликда компания асосчиси Кевин Росе лойиҳани бутунлай янги йўналишда, яни сунъий интеллект (AI) янгиликларини сараловчи агрегатор сифатида қайта ишга туширди. Бу ҳақда Techcrunch.com хабар беради.
Янги Дигг платформасининг асосий мақсади — маълум бир соҳадаги энг нуфузли манбаларни кузатиш ва фойдаланувчилар учун ҳақиқатан ҳам аҳамиятли бўлган хабарларни ажратиб кўрсатишдир. Ҳозирча лойиҳа фақат AI йўналишидаги янгиликлар билан ишламоқда, бироқ муваффақият қозонилган тақдирда, қамров доираси кенгайтирилиши режалаштирилган.
Платформа ўз рейтинг тизимини яратишда Х ижтимоий тармоғидан олинадиган реал вақт режимидаги маълумотларга таянади. Дигг алгоритмлари контентни таҳлил қилиш, кластерлаш ва фойдаланувчиларнинг муносабатини ўрганиш орқали энг долзарб мавзуларни аниқлайди. Фойдаланувчилар саҳифада энг кўп кўрилган, муҳокама қилинаётган ва тез оммалашаётган янгиликларни кузатиб боришлари мумкин.
Ҳозирги босқичда лойиҳа бета-тест режимида ишламоқда ва баъзи техник камчиликларга эга. Компания вакилларининг таъкидлашича, бу ҳали якуний маҳсулот эмас, балки фойдаланувчиларга янги концепцияни тақдим этиш учун мўлжалланган дастлабки версиядир.
“Zamin”ни Telegram'да ўқинг!
