SpaceX компанияси ўзининг навбатдаги парвозга тайёргарлик босқичини муваффақиятли якунлади. Компания Фlight 12 миссияси доирасида Starship ва Super Heavy В3 мажмуасини ёқилғи билан тўлдириш бўйича муҳим синовларни ўтказди. Бу ҳақда Ixbt.com хабар беради.
Синов жараёнида ракета тизимларига 5000 тоннадан ортиқ ёқилғи юкланди. Бу жараён парвоз олдидан ўтказиладиган сўнгги ва энг муҳим техник текширувлардан бири ҳисобланади. SpaceX мутахассислари парвозни имитация қилувчи ортга санаш жараёнини ҳам муваффақиятли амалга оширди.
Компания ушбу жараён акс этган таъсирли фотосуратларни оммага тақдим этди. Расмий баёнотда қайд этилишича, 11 миллион фунтдан ортиқ ёқилғи юкланиши тизимнинг барқарорлигини тасдиқлаш учун зарур эди.
Ҳозирда муҳандислар барча маълумотларни таҳлил қилиш ва техник текширувларни якунлаш босқичида. Парвознинг аниқ санаси яқин сутка ичида эълон қилиниши кутилмоқда.
“Zamin”ни Telegram'да ўқинг!
