Расмий тақдимот арафасида интернетга Sony Xperia 1 VIII смартфонининг маркетинг суратлари сизиб чиқди. Улар компания сўнгги йиллардаги анъаналаридан воз кечиб, флагман дизайнини сезиларли даражада янгилаганини кўрсатмоқда. Эндиликда учта камера модули анъанавий вертикал чизиқ ўрнига ягона тўртбурчак блок ичига жойлаштирилган. Бу ҳақда Ixbt.com хабар беради.
Камера модулининг юқори қисмидан асосий ва ультра кенг бурчакли объективлар ўрин олган бўлса, пастки қисмида перископик телефото объективи жойлашган. Шунга қарамай, Sony олд панел дизайнида ўз принципларига содиқ қолган: экран атрофидаги симметрик ҳошиялар сақланиб қолган, дисплейда ҳеч қандай тирқиш ёки кесиклар мавжуд эмас.
Смартфон металл корпус ва суратга олиш учун алоҳида жисмоний тугма билан жиҳозланган. Шунингдек, Sony компаниясининг Зеисс билан ҳамкорлиги давом этиши тасдиқланди. Техник хусусиятларга кўра, қурилма 6,5 дюймли ОЛEД дисплей, 120 Гтс янгиланиш тезлиги ва 3,5 мм аудио тирқишга эга бўлади.
Қурилма Грапҳите Блакк, Иолите Силвер ва Гарнет Ред рангларида тақдим этилиши кутилмоқда, шунингдек, олтин рангли версияси ҳам бўлиши мумкин. Тахминларга кўра, Xperia 1 VIII смартфонининг нархи 1800 евродан бошланади. Расмий тақдимот маросими 13-май кунига белгиланган.
“Zamin”ни Telegram'да ўқинг!
