.рф кирилл домен зонаси 16 йиллигини нишонламоқда
Дунодаги биринчи кирилл алифбосидаги юқори даражали .рф домени делегация қилинганига 16 йил тўлди. Ҳозирги вақтда ушбу зонада 802 020 та домен номи рўйхатдан ўтган бўлиб, уларнинг 95,3 фоизи фаол фойдаланилмоқда. Доменларнинг 82,4 фоизи жисмоний шахсларга, 17,6 фоизи юридик шахсларга тегишли бўлиб, ҳар ойда ўртача 21 мингга яқин янги домен рўйхатдан ўтказилмоқда. Шунингдек, 2025-йилдан бошлаб .
2010-йил 12-майда дунёдаги биринчи кирилл алифбосидаги юқори даражали .рф домени делегация қилинган эди. Бугунги кунда ушбу зона нафақат кирилл доменлари орасида етакчи, балки энг йирик халқаролаштирилган миллий домен ҳисобланади. .ру ва .рф доменларини мувофиқлаштириш маркази матбуот хизмати ушбу сана муносабати билан статистик маълумотларни тақдим этди. Бу ҳақда Ixbt.com хабар беради.
Ҳозирги вақтда .рф зонасида 802 020 та домен номи рўйхатдан ўтган бўлиб, уларнинг 95,3 фоизи фаол фойдаланилмоқда. Доменларнинг асосий қисми (82,4 фоиз) жисмоний шахсларга, 17,6 фоизи эса юридик шахсларга тегишли. Ушбу домен Россия ҳудудларида, айниқса Қрим, Тува Республикаси, Рязан ва Омск вилоятларида кенг оммалашган.
Статистикага кўра, ҳар ойда ўртача 21 мингга яқин янги домен рўйхатдан ўтказилмоқда, бу ўтган йилга нисбатан 18,8 фоизга кўпдир. .рф доменлари веб-иловалар, бир саҳифали сайтлар, почта хизматлари ва йўналтиришлар учун турли мақсадларда қўлланилади.
2025-йилдан бошлаб .рф зонасида Россия республикаларининг 18 та давлат тилида домен номларини рўйхатдан ўтказиш имконияти ишга туширилди. Ҳозирнинг ўзидаёқ миллий тилларда 2000 дан ортиқ домен номи муваффақиятли рўйхатдан ўтказилган.
Изоҳлар 0
…