Tecno бренди Россия бозорида янги Мегабоок С16 ноутбукини сотувга чиқарганини эълон қилди. Компания вакилларининг таъкидлашича, ушбу қурилма мобиллик ва юқори унумдорликни қадрлайдиган мутахассислар ҳамда ижодкорлар учун мўлжалланган енгил ва қувватли ечим ҳисобланади. Бу ҳақда Ixbt.com хабар беради.
Ноутбук корпуси магний-алюминий қотишмасидан тайёрланган бўлиб, 16 дюймли экранга эга бўлишига қарамай, унинг оғирлиги атиги 1299 граммни, қалинлиги эса 14,9 миллиметрни ташкил этади. Дисплей 1920х1200 пикселли ФҲД рухсатига ва 16:10 нисбатига эга.
Қурилма Intel Core i9-13900ҲК процессори, 16 GB LPDDR5 оператив хотира ва 1 TB ҳажмли ПСИе 3.0 ССД билан жиҳозланган. 75 Вт·соат сиғимли аккумулятор узоқ вақт ишлаш имконини беради. Шунингдек, ноутбукда ДТС:Х Ultra технологиясига эга динамиклар, ёритиладиган клавиатура ва бармоқ изи сканери мавжуд.
Tecno AI «Ёрдамчи» функцияси йиғилишлар мазмунини автоматик тарзда қисқача баён қилиб беради, «Галерея» сунъий интеллекти эса смартфондаги суратларни синхронлаштиради. Tecno «ПК Манагер» иловаси эса файлларни тезкор узатиш ва умумий буфердан фойдаланиш имконини яратади. Ноутбукнинг нархи 96 минг рублни ташкил этади.
“Zamin”ни Telegram'да ўқинг!
