Хитой автомобил бозори тарихий кўрсаткични қайд этди: 2026-йилнинг апрель ойида янги энергия манбаларида ишлайдиган автомобиллар (НEВ) улуши илк бор 60 фоиздан ошиб, 61,4 фоизга етди. Хитой енгил автомобиллар ассоциацияси маълумотларига кўра, мамлакатда энг кўп сотилган ўнта модел ичида ички ёнув двигателли (ДВС) атиги битта автомобил қолди. Бу ҳақда Ixbt.com хабар беради.
Сотувлар бўйича етакчи Geely Хингюан (Geely Galaxy ЭХ2) бўлиб, у 34 727 дона нусхада сотилган. Ундан кейинги ўринларни Xiaomi СУ7 ва Tesla Model Y эгаллади. Топ-10 рўйхатидаги ягона бензинли автомобил Geely Коолрай бўлиб, у 14 923 дона кўрсаткич билан саккизинчи ўринни банд этди. Таққослаш учун, етакчи модел бензинли рақибидан қарийб 2,3 баробар кўпроқ харидор топган.
ДВС автомобиллари учун вазият кескин ёмонлашмоқда. Январ ойида ўнталикнинг еттитаси бензинли моделлар бўлган бўлса, март ойида бу кўрсаткич бештага тушганди. Ҳозирда бозор деярли тўлиқ электромобиллар ва гибридлар назоратига ўтди. Апрел рейтингидан BYD, Li Auto ва Леапмотор моделлари ҳам ўрин олди.
Умумий ҳисобда апрель ойида Хитойда 1,384 миллионта енгил автомобил сотилган, бу ўтган йилга нисбатан 21,5 фоизга кам. Бироқ, НEВ сегментидаги пасайиш атиги 6,8 фоизни ташкил этган бўлса, бензинли автомобиллар савдоси 37 фоизга қулади. Таҳлилчилар ушбу ўзгаришни ёқилғи нархларининг қимматлиги ва харидорларнинг электр транспортига бўлган ишончи ортгани билан изоҳламоқда.
“Zamin”ни Telegram'да ўқинг!
