Meta компанияси WhatsApp'даги Meta AI чатларида "инкогнито" режимини ишга тушираётганини эълон қилди. Ушбу янги функция фойдаланувчиларга ўзаро суҳбатларни хавфсиз муҳитда олиб бориш имконини беради ва ҳеч ким, жумладан, компаниянинг ўзи ҳам бу ёзишмаларни кўра олмайди. Бу ҳақда Techcrunch.com хабар беради.
Фойдаланувчилар Meta AI билан шахсий чатда махсус белги орқали ушбу режимни фаоллаштиришлари мумкин. Мазкур функция нафақат WhatsApp, балки алоҳида Meta AI иловасида ҳам тақдим этилади. Инкогнито режимида ёзишмалар сақланиб қолмайди ва чат ёпилиши билан автоматик тарзда ўчиб кетади.
WhatsApp маҳсулот бўйича вице-президенти Алисе Невтон-Рехнинг таъкидлашича, одамлар сунъий интеллектдан молиявий ёки соғлиқ билан боғлиқ нозик масалаларда маслаҳат олиш учун фойдаланмоқда. Шу боис, фойдаланувчиларга ўз саволларини максимал даражада махфий тарзда бериш имкониятини тақдим этиш компания учун устувор вазифадир.
Янги режим компаниянинг ўтган ойда тақдим этилган Мусе Spark моделига асосланган. Шунингдек, Meta келгусида "Сиде Чат" функциясини ҳам ишлаб чиқмоқда, бу эса фойдаланувчиларга гуруҳли чатларда бошқаларга кўринмайдиган тарзда сунъий интеллект билан мулоқот қилиш имконини беради.
“Zamin”ни Telegram'да ўқинг!
