WhatsApp мессенжерида Meta AI учун инкогнито режими ишга туширилмоқда
WhatsApp жамоаси сунъий интеллект билан мулоқот қилиш учун ёзишмалар тарихида из қолдирмайдиган инкогнито режимини тақдим этди. Ixbt.com хабарига кўра, бу режимда барча хабарлар мулоқот тугагач автоматик ўчиб кетади ва компаниянинг ўзи ҳам фойдаланувчи ёзишмаларини ўқий олмайди. Шунингдек, компания яқин ойларда «Махфий ишлов бериш» функсияси билан ҳимояланган қўшимча чатни ҳам тақдим этишни режалаштирмоқда.
WhatsApp мессенжери жамоаси сунъий интеллект билан мулоқот қилишнинг махфий усули бўлган янги функцияни тақдим этди. Эндиликда фойдаланувчилар Meta AI билан инкогнито режимида суҳбатлашишлари мумкин, бу эса ёзишмалар тарихида ҳеч қандай из қолдирмаслик имконини беради. Бу ҳақда Ixbt.com хабар беради.
Ишлаб чиқувчиларнинг таъкидлашича, ушбу режимда барча хабарлар мулоқот якунлангач, автоматик тарзда ўчиб кетади. WhatsApp вакиллари бошқа иловалардан фарқли ўлароқ, бу ерда на саволлар, на жавоблар сақланиб қолишини ва ҳатто компаниянинг ўзи ҳам фойдаланувчи ёзишмаларини ўқий олмаслигини маълум қилди.
Яқин ойларда компания «Maxфий ишлов бериш» функцияси билан ҳимояланган қўшимча чатни ҳам тақдим этишни режалаштирмоқда. Бу фойдаланувчиларга асосий суҳбатни тўхтатмасдан, Meta AI ёрдамида махфий масалаларни ҳал қилиш имконини беради.
Meta AI билан инкогнито режимида мулоқот қилиш имконияти яқин ойлар ичида бутун дунё бўйлаб WhatsApp фойдаланувчилари учун босқичма-босқич очиб борилади.
Изоҳлар 0
…