Ҳар сафар ChatGPT орқали сўров юборганингизда, маълумотлар ҳақиқий эстафета пойгасини босиб ўтади. Ахборот хотирадан чиқиб, дастлабки ишлов бериш учун CPU орқали ўтади, сўнгра мураккаб ҳисоб-китоблар учун GPUга боради ва яна ортга қайтади. Сунъий интеллект (AI) томонидан яратилган ҳар бир сўз учун ушбу жараён такрорланади. Жанубий Корея ва АҚШда офисларига эга бўлган ХСEНА стартапи айнан шу тизимли муаммони ҳал қилишни мақсад қилган. Бу ҳақда Techcrunch.com хабар беради.
Тўрт йиллик тарихга эга стартап ҳисоблаш имкониятларини ДRAM хотирасига максимал даражада яқинлаштирувчи чип ишлаб чиқди. Бу одатий маълумотлар операцияларини процессор ва хотира ўртасидаги қимматли ва энергия талаб қилувчи "саёҳатларсиз" амалга ошириш имконини беради. Агар ушбу технология кенг миқёсда жорий этилса, AI инфратузилмаси харажатларини кескин камайтириши мумкин. Шу сабабли инвесторлар лойиҳага катта қизиқиш билдирмоқда: ХСEНА яқинда Б сериясидаги инвестиция раундида 135 миллион доллар жалб қилди ва компания қиймати 570 миллион долларга етди.
ХСEНА асосчилари Жин Ким, Доҳун Ким ва Гарри Жуҳюн Ким ўз вақтида Samsung ва СК Ҳйних каби хотира гигантларида фаолият юритган мутахассислардир. "Ўтган ўн йилликлар давомида CPU ва GPUлар ақллироқ бўлди, аммо хотира ўзгармади. Биз буни ўзгартирмоқчимиз", — дейди Жин Ким. Унинг таъкидлашича, AI соҳасидаги асосий тўсиқ энди фақат ҳисоблаш қуввати эмас, балки хотира тизимининг самарадорлигидир.
Компаниянинг МХ1 чипи КХЛ (Компуте Эхпресс Линк) технологияси орқали процессорга уланади ва маълумотларни хотира модулининг ўзидаёқ қайта ишлайди. Стартап вакилларининг сўзларига кўра, илгари 10 та сервер талаб қилинган вазифани эндиликда битта серверда бажариш мумкин бўлади. Бу айниқса AI инфратузилмасига миллиардлаб доллар сарфлайдиган йирик технологик компаниялар (ҳйперскалерс) учун жуда жозибадор ечимдир.
Ҳозирда МХ1 чипи прототип босқичида турибди. Режага кўра, ушбу чипларни оммавий ишлаб чиқариш 2026-йил якунига қадар Samsung заводларида йўлга қўйилади. Компания 2027-йилдан бошлаб илк даромадларни олишни кўзламоқда.
“Zamin”ни Telegram'да ўқинг!
