Рус компанияси iPhone 11‘нинг кипербранк услубида қайта жиҳозланган вариантини тақдим этди (видео)

Телефон маркаларини ҳашаматли қилиб қайта жиҳозлашга ихтисослашган Caviar ширкати iPhone 11 Pro ва Pro Max’ни киберпранк услубида тақдим этди. Мутахассислар бу боради Тесланинг янги пикапи Cybertruck’дан илҳомланишган.

Қайта жиҳозланган айфоннинг корпуси Кибертрак футуристик кузови дизайнини такрорлайди. Экраннинг устига титандан қоплама ўрнатилган бўлиб, очилганда у стенд вазифасини ўташи мумкин.

"Россиялик муҳандислар Илон Маскнинг янги резонансли кроссовер моделининг дизайн концепциясига асосланган ноёб смартфон дизайнини тақдим этишди", дейилади ишлаб чиқарувчининг веб-сайтида.

Каверанинг айфонлари 99 дона чиқарилади. Унинг нархи очиқланмаган. Бироқ мутахассислар фикрича, олтин ва бриллиантлар билан қопланган “киберфон”нинг нархи $100 минггача етиши мумкин. «Замин»ни Telegram’да ўқинг!