Фото: twitter.com
Германиянинг Deutsche Bahn темир йўл компанияси ва Siemens компанияси Ҳамбургнинг темир йўл тизимига интеграция қилинадиган бошқарувчисиз автоматлаштирилган поездни тақдим этди. Бундай 4 та поезд декабрдан шаҳарда йўловчиларни ўз манзилларига элта бошлайди.
Siemens ва Deutsche Bahn’нинг ушбу лойиҳаси Ҳамбург темир йўл тизимини модернизация қилиш бўйича дастурнинг бир қисми ҳисобланади.
Siemens бош директори Роланд Бушнинг таъкидлашича, бундай поездлар “пунктуалликни оширишга ва 30 фоиздан кўпроқ энергия тежашга” имкон беради. Ўз навбатида, Deutsche Bahn раҳбари Ричард Лутц автоматлаштирилган поездлар ишончлироқ эканини айтган.
Ишлаб чиқувчиларнинг таъкидлашича, гап дунёда бу турдаги биринчи поездлар ҳақида бормоқда, чунки улар учун махсус излар ётқизиш талаб этилмайди. Бошқарувчисиз поездлар Ҳамбургда оддий поездлар билан бирга мавжуд темир йўл излари орқали ҳаракатланади.
Дунёнинг бошқа шаҳарларида, мисол учун, Парижда бошқарувчисиз таркиблар фақат метронинг муайян линияларида йўловчи ташийди. Бундан ташқари, бу турдаги поездлар бир қатор аэропортларда махсус излар орқали қисқа йўналишлар бўйича ҳаракатланади. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Организм ўзини токсинлардан қандай тозалайди?
Энди операциядан сўнг кесмалар ўрни икки баробар тезроқ битиши мумкин
Глобал очлик ва қашшоқликка қарши кураш алянсига 82 мамлакат аъзо бўлди
Омега-3 қандай қилиб озишга ёрдам беради?
Тюмен областига Ўзбекистондан меҳнат мигрантлари ишга жалб қилинади
Хатолар ва мағлубиятлар... улар кечириладими?
Ўзи чой дамлайди ва суҳбатлашади: дунёдаги биринчи “ақлли” чойнак тақдим этилди (видео)
КХДР Россияга 100 минггача ҳарбий юбориши мумкин
