Chevrolet Tracker narxi 7 mln so‘mga ko‘tarildi

UzAuto Motors Chevrolet Tracker avtomobili uchun avval taqdim etilgan chegirmalarni qisqartirdi, deb yozmoqda autostrada.uz sayti. Premier Plus komplektatsiyasi 252 million so‘mga sotilmoqda.

Kompaniya bu narx o‘zgarishini jamoatchilikka ommaviy tarzda e’lon qilmasdan amalga oshirgan. Tracker narxlari o‘rtacha 7 million so‘mga oshgan.

Yangi narxlar quyidagicha:
Tracker Turbo 1.2 LS PLUS: 215 951 360 so‘m
Tracker Turbo 1.2 LTZ PLUS: 229 108 480 so‘m
Tracker Premier Plus 2025: 252 656 160 so‘m
Tracker Redline: 260 474 080 so‘m

Premier Plus to‘plamiga quyidagilar kiradi: rul, oynalar va old-orqa o‘rindiqlarni isitish, 6 yo‘nalishda elektr sozlash, tonirovka va bukuvchi ilgich.

E’tiborlisi, Chevrolet Tracker narxi 7 million so‘mga oshgan bo‘lsa, uning raqibi Kia Sonet uchun bu farq 33 million so‘mni tashkil etgan. “Zamin” yangiliklarini “Telegram”da kuzatib boring