Alisher Usmonovning Mail.Ru Group xoldingi hamroh qidirishga mo‘ljallangan BeepCar servisini ishga tushirdi

Rossiyalik milliarder Alisher Usmonov va uning sheriklariga tegishli Mail.Ru Group xoldingi BeepCar raydshering servisini ishga tushirdi, deb yozadi «Daryo» nashri. U haydovchilarga birgalikda safar qilish uchun o‘z mashinasidagi o‘rinlarni sotish imkonini beradi.

«2017 yil 6 fevralda Mail.Ru Group avtomobil bilan safar qilishda hamrohlar qidirish uchun mo‘ljallangan servisi — BeepCar bilan raydshering bozoriga chiqdi», — deyiladi xolding press-relizida.

Yangi servis 5 fevraldan 6-ga o‘tar kechasi ishga tushdi. U ham shahar ichidagi, ham shahar tashqarisiga uzoq safarlar uchun mo‘ljallangan. “Zamin”ni Telegramʻda oʻqing!