Rossiyada Belarusda yig'ilgan VGV krossoverlari narxi arzonlashdi

VGV brendi Rossiyada Belarusda yig'ilgan U70 Pro va U75 Plus krossoverlari narxlarini pasaytirdi. O'zgarishlar asosan avtomat uzatmalar qutisiga ega modellarga ta'sir qildi. Bu haqda Ixbt.com xabar beradi.

U70 Pro modelining avtomat uzatmali barcha versiyalari 2-13 ming rublga arzonlashdi. Mexanik uzatmali baza versiyasi narxi 2,4 million rubl darajasida qoldi.

Avtomobil 143 ot kuchiga ega 1,5 litrli turbomotor bilan jihozlangan.

U75 Plus krossoverining yetti o'rinli versiyalari ham 1-3 ming rublga arzonlashdi. Ushbu model 199 ot kuchiga ega 2,0 litrli turbomotor va sakkiz pog'onali avtomat uzatmalar qutisi bilan taklif etiladi.

Ikkala avtomobil ham oilaviy segmentga mo'ljallangan bo'lib, 10,1 dyuymli Android multimedia tizimi bilan jihozlangan. U75 Plus zamonaviy xavfsizlik tizimlari va elektron yordamchilarga ega.