Geely Galaxy brendi oʻzining yangi flagman modeli — Galaxy Star 7 sedanining sotuvlari boʻyicha hayratlanarli natijalarni eʼlon qildi. Kompaniyaning rasmiy maʼlumotlariga koʻra, model rasman taqdim etilganidan soʻng atigi 23 soat ichida Galaxy Star 7 Max uchun buyurtmalar soni 10 000 donadan oshib ketdi. Bu haqda Ixbt.com xabar beradi.
Xaridorlarning bunday yuqori qiziqishi, birinchi navbatda, jozibador narx siyosati bilan bogʻliq. Yangi avtomobilning narxi 108 800 dan 139 800 yuangacha (taxminan 15 000 – 19 300 dollar) etib belgilangan. Bundan tashqari, sotuvlar boshlanishi munosabati bilan ishlab chiqaruvchi barcha komplektatsiyalar uchun qoʻshimcha 10 000 yuan miqdorida vaqtinchalik chegirma taqdim etmoqda.
Geely Galaxy Star 7 oʻlchamlari 4958 × 1915 × 1505 mm ni, gʻildirak bazasi esa 2852 mm ni tashkil etadi. Avtomobil 541 litrli keng yukxonaga ega. Salon jihozlari orasida 256 xil rangli atmosfera yoritgichi va brendning haydovchi hissiyotlarini taniy oladigan, ekranlarda animatsion mimikalarni aks ettiruvchi ilk Eva roboti mavjud.
Gibrid kuch qurilmasi 424 ot kuchiga ega boʻlib, maksimal aylantiruvchi momenti 526 N·m ni tashkil qiladi. Bu esa yirik sedanga 0 dan 100 km/soat tezlikka atigi 5,4 soniyada erishish imkonini beradi. Shuningdek, yangilik standart ravishda e-AWD intellektual toʻliq uzatmali elektr tizimi bilan jihozlangan boʻlib, u yoʻl sharoitiga qarab momentni real vaqt rejimida taqsimlaydi.
“Zamin”ni Telegramʻda oʻqing!
