11:17 / 17.11.2015
12 114

Yangi Nexia va Matiz Rossiyada qachon sotuvga chiqishi ma’lum bo‘ldi

Yangi Nexia va Matiz Rossiyada qachon sotuvga chiqishi ma’lum bo‘ldi
Modernizasiya qilingan Matiz va «keyingi avlod» Nexia sedani 2016 yilning mart—aprelida Rossiyadagi dilerlarga etib boradi. Bu haqda «AvtoSreda» ga asoslanib Daryo.uz xabar bermoqda.

Yangi Nexia Rossiyada 379—529 ming rubl (17 noyabr holatiga ko‘ra, taxminan 5,8—8,1 ming AQSh dollari)dan sotilishi rejalashtirilmoqda. Restayling qilingan Matiz’ning narxlari hozircha e’lon qilinmayapti.

Rossiya bozori uchun maxsus ishlab chiqilgan Ravon brendining taqdimoti oktyabr oyida Moskvada bo‘lib o‘tgan edi. Yangi marka Daewoo’ning merosxo‘ri hisoblanadi.

Ikkinchi avlod Chevrpolet Aveo’ning qayta ishlangan versiyasi Rossiyada Nexia sifatida sotiladi. Sedan quvvati 107 ot kuchiga teng, hajmi 1,5 litr bo‘lgan benzinli motor bilan ta’minlangan, u besh bosqichli «mexanika» yoki olti diapazonli «avtomat» uzatma bilan juftlikda ishlaydi.

Restayling qilingan Ravon Matiz’ning kunduzgi chiroqlari, orqa tomonni ko‘rsatuvchi oynalari dizayni o‘zgargan, salonda yangi o‘rindiqlar paydo bo‘ldi. Bundan tashqari, besh eshikli model xavfsizlik yostiqchasi, ABS, immobilayzer va Isofix bolalar o‘rindiqlarini mustahkamlash tizimi bilan ta’minlanadi.

Ravon brendi ostida Rossiyaga 2016 yildan, Matiz va Nexia’dan tashqari, to‘rt eshikli yangilangan Gentra (Chevrolet Lacetti), R2 xetchbeki (Chevrolet Spark) va R4 sedani (Chevrolet Cobalt)ni olib kirish mo‘ljallangan. Bu modellar aynan qachon Rossiya bozorida paydo bo‘lishi hozircha aniq emas.

Ctrl
Enter
Xato topdIngizmi?
Iborani ajratib Ctrl+Enter tugmasini bosing
Fikrlar (0)


Yangiliklar » Avto » Yangi Nexia va Matiz Rossiyada qachon sotuvga chiqishi ma’lum bo‘ldi
[/banner_pushhouse