17 aprelda Nyu-Yorkdagi avtosalonda “Jahonning yil avtomobili” tanlovi g‘olibi e’lon qilindi. Bu yuksak unvonga Jaguar britan markasining to‘liq elektr kuch qurilmali ilk avtomobili I-Pace loyiq deb topildi. Jaguar Land Rover guruhi uchun bu unvon tarixdagi ikkinchisi bo‘ldi: 2 yil avval Jaguar F-Pace modeli dunyoning eng yaxshi avtomobili deb topilgandi.
Umuman olganda I-Pace 3 ta yo‘nalish bo‘yicha eng yaxshi deb topilgan.
Dastlab g‘oliblikka da’vogarlar ro‘yxatida 40 ta model bo‘lgan. Uchta finalchidan iborat qisqa ro‘yxat Jenevadagi avtosalonda e’lon qilingandi. Bu ro‘yxatga Audi e-tron, Jaguar I-Pace va Volvo S60/V60 kiritilgandi. G‘olibni tarkibiga 24 ta davlatdan avtomobil sohasini yorituvchi 86 jurnalist kirgan hakamlar hay’ati tanlagan.
Nyu-York avtosalonida yana 5 ta yo‘nalish bo‘yicha g‘oliblar e’lon qilingan. “Eng yaxshi nufuzli avtomobil” yo‘nalishida Audi A7, “Eng yaxshi sportkar” yo‘nalishida McLaren 720S, “Eng yaxshi shahar avtomobili” yo‘nalishida Suzuki Jimny, “Eng yaxshi ekologik avtomobil” va “Eng yaxshi dizayn” yo‘nalishlarida I-Pace g‘olib deb topilgan.
Foto: Audi A7
Foto: McLaren 720S
Foto: Suzuki Jimny
2018 yilda “Jahonning yil avtomobili” nomiga Volvo XC60 modeli, 2017 yilda esa Jaguar F-Pace sazovor bo‘lgandi. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
