6 411
1 oktyabrdan minilgan avtomobilni yangisiga qo‘shimcha haq to‘lash bilan almashtirishingiz mumkin
O‘zbekistonda 2019 yil 1 oktyabrdan minilgan avtomobilni yangisiga qo‘shimcha haq to‘lash bilan almashtirish borasidagi jahon amaliyoti tatbiq etilishi kutilmoqda. Bu haqda «O‘zavtosanoat» AJ matbuot xizmati ma’lum qildi.
Bu amaliyot Prezidentning joriy yil 18 iyuldagi «O‘zbekiston Respublikasi avtomobil sanoatini jadal rivojlantirishga oid qo‘shimcha choralar to‘g‘risida»gi qarorida ko‘zda tutilgan.
Matbuot xizmatiga ko‘ra, minilgan avtomobil egasi uni avtosalonda qo‘shimcha haq evaziga mutlaqo yangi avtoga almashtirishi mumkin bo‘ladi. Minilgan avtomobil sotib olishni istaganlar esa uni avtosalondan xarid qilishda mashinaning yuridik «tozaligi» va rosmana «kasallik tarixi»ga ishonchi komil bo‘ladi.
O‘z avtomobilini yangilash istagida bo‘lganlar uchun qanday afzalliklar bor?
- barcha bitimlar bir joyda, madaniy tarzda va xavfsiz;
- rasmiylashtirishning birpasda bo‘lishi va salonlardagi qulay sharoitlar (avtobozorlarga qaraganda);
- avtohavaskorning «yayov» davri maksimal darajada qisqaradi;
- avtobozorlarga qatnash va dallollar bilan muloqotga hojat qolmaydi;
- ikki bitim bittada bo‘ladi: eski avtomobilni sotasiz va shu zahoti yangisida ketaverasiz;
- rasmiy diler mijozning minilgan avtomobili qiymatini, u sotilishini kutib o‘tirmay, yangi mashina qiymatiga kiritib yuboradi;
- ayrim «shubhali» xaridorlar bilan uchrashish, shuningdek, avtomobilni ko‘plab odamlarga ko‘rsatish va chalg‘ituvchi qo‘ng‘iroqlar zarurati yo‘qoladi.
Trade-In tizimi bo‘yicha bitim xususiyatlari:
Diler yangisining evaziga oladigan avtomobil keyinroq qayta sotiladi, shu sababli u to‘liq sotuvoldi tayyorgarligidan o‘tadi, uning ichiga kichik kosmetik ta’mirlash, yuvish, kuzovni silliqlash, salonni kimyoviy tozalash va mashinaga tovar ko‘rinishini berishga qaratilgan boshqa amaliyotlar bajariladi.
Texnik jihatdan ham minilgan avtomobil ko‘pincha ba’zi xarajatlarni taqozo qiladi. Binobarin, diler avtomobilni imkon qadar arzonroqqa sotib olishdan manfaatdor bo‘ladi (har bir xaridor kabi).
«O‘z avtomobilingizni yangisiga almashtirishdan oldin bir nechta dilerlarga boring, narxlarni solishtiring, bunda avtomobillar komplektatsiyasini, albatta, hisobga oling», — deyiladi xabarda. “Zamin” yangiliklarini “Telegram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
Turkiya o‘zining birinchi kvant kompyuterini taqdim etdi
Josep Borrel: “Xalqaro jinoyat sudining Netanyaxuni hibsga olish bo‘yicha qarori ijro etilishi shart”
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Har payshanba jismoniy tarbiya va sport kuni sifatida belgilanadi
