2 518
«O‘tgan yili Spark va Nexia'dan 550 mlrd so‘m zarar ko‘rganmiz. Equinox, Malibu va Trailblazer sotish zararni qoplayapti» – UzAuto Motors mas’uli
Azizbek Shukurov
Kun.uz xabariga ko‘ra, tadbir davomida tashkillashtirilgan matbuot anjumanida OAV xodimlari jamiyat mutasaddilaridan Equinox singari qimmat avtomobillarni chet eldan olib kelib, ustiga 50 foiz mablag‘ qo‘yilib sotilayotgani bo‘yicha izoh so‘rashdi.
“UzAuto Motors AJ Equinox, Malibu va Trailblazer kabi mashinalarning importyoriga, sotuvchisiga aylandi, degan gaplar paydo bo‘ldi. Shuning uchun aytib o‘tmoqchiman, o‘tgan yili 280 mingta mashina ishlab chiqardik. Equinox va Malibu kabi mashinalar 10 mingta sotilgan. Nisbatini olsak, nechta mashina tayyor holatda olib kirib sotildi, nechta mashina ishlab chiqarildi, deganda qimmat avtomobillar sotuvi 5 foizdan oshmaydi. Ya’ni, mahsulotlarning 5 foizini olib kirib sotyapmiz, 95 foizini o‘zimiz ishlab chiqaryapmiz.
UzAuto Motors biznes modeli shunday qilinganki, iloji boricha ommaga moslashgan mashinalarga minimal daromad qo‘yilgan. Tijorat sirini ochyapman sizlarga, ba’zilarida, masalan, Spark va Nexia kabi mashinalarda daromad umuman yo‘q. Nafaqat daromad, balki yo‘qotish bor. Shuning uchun ommaga arzonroq mashina yetkazish imkoniyatini yaratish maqsadida biz qimmat mashinalar daromadini baland qilib qo‘yamiz. Bu - qimmat mashinadan olayotgan daromadimiz hisobiga arzon mashina yo‘qotayotgan pulni qoplash uchun o‘ylangan tadbir.
Aniq misol, Spark bilan Nexia’dan o‘tgan yili 550 mlrd so‘m pul yo‘qotdik. Bu sof ziyon. Qimmat mashinalardan 500 mlrd so‘m foyda ko‘rdik. Sizlarga savol, sizlar ham menga o‘xshagan fuqarosizlar. Mana shu Equinox, Malibu narxlarini tushirib, Spark, Nexia narxini ko‘tarib qo‘ygan yaxshimi yoki hozirgi holatda biznes modelni davom ettirgan yaxshimi, degan savol turibdi-da. Nima deb o‘ylaysizlar?” - dedi “O‘zavtosanoat” boshqaruv raisi o‘rinbosari Azizbek Shukurov. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Samarqandda haydovchidan pora so‘ragan YPX xodimlari ishdan bo‘shatildi
«Samarqand — Toshkent — Samarqand” yo‘nalishida qo‘shimcha poyezdlar harakatlanadi
Sun’iy intellekt qadimgi yunon faylasufi Platonning qabrini topdi
Ukraina yaradorlar bilan qanday muomala qilayotgani ma’lum qilindi
Ekspert: G‘arb Rossiya g‘alabasidan keyin quvg‘indagi Ukraina hukumatini yaratishi mumkin
Chempionlar ligasi 1/2 final. “Borussiya D” o‘z maydonida “PSJ”ni kichik hisobda mag‘lub etdi
Mask Ukraina va AQSH o‘rtasidagi muzokaralarni bir so‘z bilan ta’rifladi
Netanyahu HAMASga qarshi operatsiyani yakunlashdan bosh tortdi