Elektr energiyasida harakatlanuvchi Mercedes-Benz Gelandewagen taqdim etildi

^{Foto: Media.daimler}
Myunxenda 7 sentabr kuni ochilgan Mercedes avtosalonida kelajakda elektr energiyasida harakatlanuvchi Gelandewagen’ning seriya oldi prototipi — Mercedes Concept EQG elektroyo‘ltanlamasi taqdim etildi, deb xabar beradi «Korrespondent.net».

EQG — bu G-Class avlodining elektr energiyada harakatlanuvchi versiyasi. Unda tashuvchi konstruksiya sifatida zinali rom saqlangan. Dizayni G-Class’dagi kabi burchakli. Old tomonida radiator panjarasi imitatsiyasiga ega yorug‘lik diodlaridan iborat yaltiroq qora panel joylashgan. Mercedes’ning emblemasi esa 3D-effekt yordamida yoritiladi.

Concept EQG silliqlangan aluminiyli qotishmadan ishlangan 22 dyuymli g‘ildiraklarga ega bo‘lib, ular o‘zining eksklyuziv dizayni bilan ajralib turadi. Zaxira g‘ildiragi saqlanadigan odatdagi joyga quvvatlantirish kabelini saqlashga mo‘ljallangan qulflanuvchi quti o‘rnatilgan.

Elektroyo‘ltanlamas — har bir g‘ildiragi uchun alohida elektromotorga ega to‘liq uzatmali model hisoblanadi. Shuningdek, unda ikki pog‘onali uzatmalar qutisi ham bo‘lib, yomon yo‘llarda harakatlanish qobiliyatini oshiradi. “Zamin” yangiliklarini “Vkontakti”da kuzatib boring