Kanada bosh vaziri Jastin Tryudo kutilmaganda Ukrainaga bordi

^{Foto: Ijtimoiy tarmoqlar}
Kanada bosh vaziri Jastin Tryudo Ukrainaga bordi. Tryudo Ukrainaga borishni rejalashtirayotgani haqida gapirmagandi. U oldinroq Jo Bayden bilan Ukraina masalasini muhokama qilgan.

Tryudo Kiyev yaqinidagi Irpen shahriga borgan. Uning tashrifi haqida ham avvalo Irpen meri Oleksandr Markushin xabar berdi. Merning aytishicha, Tryudo urush dahshatini o‘z ko‘zi bilan ko‘rish uchun Ukrainaga borganini aytgan. Kanada yetakchisi ko‘rganlaridan hayratga tushgan. Markushin Kanadadagi ukrain diasporalari Irpenni qayta tiklashda ishtirok etishiga umid bildirgan. Kun yakunida Tryudo Ukraina prezidenti Volodimir Zelenskiy bilan uchrashgan.

^{Foto: Ukraina prezidenti rasmiy sayti}
Tryudoning Ukrainaga borishi rejalari haqida aytilmagan edi. Tashrif tafsilotlari haqida Kanada bosh vaziri rasmiy saytida hozircha xabar berilmagan, suratlar ham yo‘q. Shunchaki Tryudo Ukrainada bo‘lgani ikki satrda aytib o‘tilgan. Katta ehtimol bilan Tryudo «Katta yettilik» davlatlari onlayn yig‘ilishida ham Kiyevda turib ishtirok etgan.

Kanada bosh vaziri Ukrainaga borishidan oldinroq AQSH prezidenti Jo Bayden bilan telefon suhbatini o‘tkazgan va Ukrainadagi holatni muhokama qilgan edi.

8 may kuni AQSH prezidenti Jo Baydenning rafiqasi Jill Bayden ham Ukrainaga bordi.

^{Foto: AP}
AQSH birinchi xonimi Ujgorodda Ukraina prezidenti Volodimir Zelenskiyning xotini Yelena Zelenskaya bilan uchrashgan. Bu tashrif haqida ham anons berilmagan edi. 7 may kuni Jill Bayden Ruminiya hamda Slovakiyada ukrainalik qochoqlar bilan uchrashgandi.

Jastin Tryudo1, Volodimir Zelenskiy1, Jill Bayden1, Yelena Zelenskaya1 “Zamin” yangiliklarini “Twitter”da kuzatib boring