«Hayotimdagi eng yaxshi uch yil». Mayk Tayson qamoqdagi vaqti haqida

^{Foto: Getty Images}
Afsonaviy bokschi Mayk Tayson qamoqda o‘tkazgan vaqtidan afsuslanmasligi haqida gapirdi.

- "Bundan minnatdorman. U yerda hammaga yaxshi munosabatda bo‘lganman. Hayotimning eng yaxshi uch yilini qamoqda o‘tkazdim.

Millionlarim bo‘lmasa-da, lekin halovatga erishgandim. Tinch yashamas ekansiz, pul hech qanday ahamiyatga ega emas.

Balansni saqlash muhim. Aql-idrok hayotning barcha sohalarini belgilashi lozim", - dedi Mayk Tayson.

Eslatib o‘tamiz, sobiq jahon chempioni jinsiy zo‘ravonlikda ayblanib, uch yilga ozodlikdan mahrum qilingan. U 1992 yilda zo‘ravonlik sabab 6 yilga qamalgan, biroq 1995 yilda muddatidan oldin ozodlikka chiqqandi. “Zamin”ni Telegramʻda oʻqing!