Foto: Sotheby’s
Nyu-Yorkdagi Sotheby’s auksionida birinchi marta gorgozavrning butun boshli skeleti sotuvga qo‘yildi, uning bahosi 5—8 million dollar. Auksionga qo‘yilgan buyumlar orasida meteoritlar, Oy jinslari va Yerdan tashqarida bo‘lib qaytgan boshqa narsalar ham bor, deb yozmoqda Daily Mail.
Sotheby’s tashkilotchilarining fikriga ko‘ra, kolleksionerlar uchun eng qiziqarli eksponatlar quyidagilar bo‘lishi mumkin: 35 000 dollarga sotilishi taxmin qilinayotgan 66 million yillik tritseratops bosh suyagi, qirilib ketgan Amerika sherining 50 ming yillik bosh suyagi (eksponat 600 000 dollarga baholanmoqda) va mukammal holatda saqlanib qolgan qilich tishli yo‘lbars bosh suyagi.
Foto: Sotheby’s
Natural History guruhi gorgozavr skeletini auksionining «yulduzi» deb atamoqda. Uning o‘lchamlari balandligi 3 metr va uzunligi 7 metrni tashkil qiladi. Mutaxassislarning fikricha, uni 8 million dollarga sotish mumkin. Hozirda ushbu eksponat uchun eng yuqori taklif 3,5 million dollarni tashkil qilmoqda.
Foto: Sotheby’s
Shuningdek, kimoshdi savdosida «Apollon» missiyasida qatnashgan astronavt Bazz Oldrinning shaxsiy buyumlari – parvoz kurtkasi (boshlang‘ich narxi 700 000 dollar), quloqchinlar va u Oyga qo‘nuvchi Eagle dvigatellarini ishga tushirishda foydalangan ruchka ham bor. Ruchka 2 million dollarga sotilishi kutilmoqda.
Foto: Sotheby’s
Auksionda koinotga oid yana bir toifa eksponatlar — osmondan sayyoramizga tushgan meteorit parchalaridir. Ulardan biri 1969 yil 8 fevralda Yerga tushgan Alende meteoritining parchasi. Olimlarning fikriga ko‘ra, bu bo‘lakda quyosh tizimi paydo bo‘lishidan oldin o‘ta yangi yulduzlar portlashi paytida yaralgan zarralar mavjud bo‘lib, u odam qo‘liga yetib kelgan eng qadimgi materiyadir.
Foto: Sotheby’s
Eksponatlar orasida meteorit bilan to‘qnashuvdan keyin qulab tushgan Oy yuzasining mayda bo‘lagi ham bor.
Onlayn auksionga 20 iyulda start berilgan, jonli savdolar 28 iyuldan boshlanadi. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Endi operatsiyadan so‘ng kesmalar o‘rni ikki barobar tezroq bitishi mumkin
Apple dongdor ikki ayfonini rasman eskirgan deb e’lon qildi
Jo Bayden: “Ba’zan xotinim meni kosmosga jo‘natish bilan tahdid qiladi”
Rossiyalik deputat: «Oliy ma’lumotlilarning kurerlik qilishi — vatanparvarlikka zid»
Ayrim boshqaruv servis kompaniyalari shartnomalarida asossiz shartlar belgilangani aniqlandi
Shols va Putin o‘rtasidagi suhbat Kiyevga signal bo‘ldi
Donald Tramp 27 yoshli Karolin Levittni Oq uy matbuot kotibi etib tayinlamoqchi
Omega-3 qanday qilib ozishga yordam beradi?
