Toshkentda mahkum qamoqxonadan turib narkosavdoni boshqargan: 9 kishi sudlandi

1 daqiqa o'qish1
Toshkentda mahkum qamoqxonadan turib narkosavdoni boshqargan: 9 kishi sudlandi

Toshkentda jazoni ijro etish koloniyasida jazo o‘tayotgan mahkum uyali telefon orqali giyohvandlik moddalari savdosi bilan shug‘ullanib kelgani aniqlandi. Ushbu jinoiy faoliyatga aloqador yana sakkiz nafar sherigi ham qo‘lga olindi. Jinoyat ishi bo‘yicha jami 9 kishi sudlandi. Bu haqda Oliy sud vakili Aziz Obidov ma’lum qildi.

Tergov materiallariga ko‘ra, mahkumga koloniya rahbari tomonidan telefondan foydalanish va taqiqlangan faoliyat bilan shug‘ullanish uchun sharoit yaratilgan. U ozodlikda bo‘lgan sheriklari yordamida giyohvandlik vositalarini tarqatishni tashkil etgan.

Tezkor tadbirlar davomida jinoiy guruhga aloqador deb gumon qilingan 9 nafar shaxs qo‘lga olingan. Ish Jinoyat ishlari bo‘yicha Chilonzor tuman sudida ko‘rib chiqildi.

Sud hukmiga ko‘ra, guruh rahbari bo‘lgan mahkum Jinoyat kodeksining 273-moddasi 5-qismi bilan aybdor deb topilib, 14 yil muddatga ozodlikdan mahrum qilindi. Shuningdek, u o‘ta xavfli retsidivist deb topilib, jazoni maxsus tartibli koloniyada o‘tashi belgilandi.

Jinoiy guruhning yana olti nafar erkak a’zosi 10 yildan 14 yilgacha qamoq jazosiga hukm qilindi.

Guruh tarkibida bo‘lgan ikki nafar ayolga ham sud tomonidan jazo tayinlandi. Ulardan biri avvalgi hukmi bo‘yicha o‘talmagan jazo muddati ham hisobga olingan holda 8 yil 6 oyga ozodlikdan mahrum etildi. Shuningdek, unga jazoni o‘tash muassasasida giyohvandlikdan majburiy davolanish chorasi belgilandi.

Guruhning ikkinchi ayol a’zosi esa 7 yil muddatga qamoq jazosiga hukm qilindi.

Maqola sizga yoqdimi?

Obuna bilan reklama bo'lmaydi

Zamin Premium — oyiga 4 900 so'm

Izohlar0

…

  1. Futbol akademiyalari uchun Skaut: to‘lov, davomat va ota-ona bilan aloqa endi bitta tizimda
  2. Toshkentdan Amerikaga: Nurmuxammad Ismoilov Akinda orqali halol investitsiyani global miqyosga olib chiqmoqda
  3. Avtoservisingizni raqamlashtiring: Bip Business bilan mijozlarni yo‘qotmang
  4. Mashina oynasiga raqam yozish xavflimi? Bip haydovchilar uchun yangi yechim topdi!
  5. 8 ta keng tarqalgan moliyaviy xato: nimalardan saqlanish kerak?
  6. Playmatch: maydon egalari ishini ancha yengillashtiradi
  7. Playmatch: futbol o‘ynash uchun kerakli barcha xizmatlar bitta ilovada
  8. Kundalik xarajatlar uchun kartani qanday tanlash mumkin?
  9. Eldor Shomurodov futbol akademiyasi va TBC Bank: bolalik orzularidan katta futbolgacha
  10. ANORBANK Boʻstonliqdagi 168-son maktab-internat tarbiyalanuvchilarini tabrikladi
  11. Haydovchilar va tashuvchilar uchun OSGOP sug‘urtasining afzalliklari...
  12. Pure Milky’dan navbatdagi kreativ: Har qadam — aziz insonlarga mehr bilan!
  13. Kredit olish imkoniyatini oshirish uchun qayerda ishlash kerak?
  14. Biznes imkoniyatingizni kengaytiring
  15. Fanning rivojlanishiga barchamiz mas’ulmiz!
  16. XIV Toshkent xalqaro kinofestivali qanday o‘tkazilmoqda?