Trampning uyidan 184 ta maxfiy hujjat topildi

Federal qidiruv byurosi AQSHning sobiq prezidenti Donald Trampga tegishli Mar-a-Lagodagi mulkida tintuv o‘tkazish chog‘ida 184 ta maxfiy hujjat topdi.

Federal qidiruv byurosining Mar-a-Lago bosqiniga aloqador tintuvga ruxsat berish uchun sudyaga yuborgan qismlari olib tashlangan 34 sahifalik bayonot ommaga e’lon qilindi.

May oyida Trampning Floridadagi uyida tintuv o‘tkazilganda, u Oq uydan yashirincha olib chiqib ketgani aytilgan 15 quti hujjat topilgan edi. Ular orasida 184 ta maxfiy hujjatlar, jumladan 67 tasi “maxfiy”, 92 tasi “maxfiy”, 25 tasi “o‘ta maxfiy” toifasiga kirdi.

AQSH Bosh prokurori Merrik Garlend 8 avgust kuni tintuvdan 3 kun o‘tib, FQB uchun qidiruv e’lonini shaxsan ma’qullaganini tasdiqladi, chunki "Qo‘shma Shtatlarda hech kim qonundan ustun turolmaydi".

Florida federal sudi sudyasi Bryus Reynxart bayonotning bir qismi 25 avgustga qadar jamoatchilikka e’lon qilinishi mumkinligini aytdi va Adliya vazirligidan tergovga yetkazilgan zararni qo‘shimcha asoslab berishni va tasdiqnomani tahrir qilishni so‘radi.

Adliya vazirligi matbuot kotibi Anxoni Koli bugun bergan bayonotida shunday deyiladi: “Adliya vazirligi sudning 22 avgustdagi qaroriga asosan so‘ralgan hujjatni muhrlangan holda taqdim etdi. Vazirlik hurmat bilan qo‘shimcha izoh berishdan bosh tortadi, chunki sud masalani ko‘rib chiqadi."

Ishonchnomada Adliya vazirligi tergovining ijro asoslari haqida muhimroq va batafsil ma’lumotlar bo‘lishi mumkin deb o‘ylangan. “Zamin” yangiliklarini “Twitter”da kuzatib boring