Bu tangadagi shifrni buzganlar ishga olinadi

^{Foto: ABC News}
Avstraliyada tashqi razvedka xizmatining kiberxavfsizlik agentligi (Avstraliya signallar boshqarmasi — ASD) 75 yilligi munosabati bilan esdalik tangasi chiqarildi. Bu haqda ABC News xabar berdi.

Tangada turli murakkablikdagi shifrlar aks etgan, ularni buza olganlarni Avstraliya tashqi razvedkasi ishga oladi.

<sup>Foto: ABC News

Foto: ABC News</sup>
ASD bosh direktori Reychel Noublning aytishicha, tanga agentlik a’zolari mehnatini sharaflab, kodlarni buzish evolyutsiyasini ifodalaydi.

«Ikkinchi jahon urushi paytida odamlarimiz: harbiylar, fuqarolar yapon harbiy kodlarini qog‘oz va qalamda yechib, Yaponiya harbiylari qayerdaligini ko‘rsatish uchun ittifoqchi kuchlarga yuborishgan», — dedi Noubl.

^{ASD bosh direktori Reychel Noubl va mamlakat zarbxonasi rahbari Li Gordon.
Foto: ABC News}
Noublning ta’kidlashicha, tangadagi kodlarni yechishning barcha to‘rt bosqichidan o‘ta olganlar bemalol Avstraliya signallar boshqarmasiga ishga kirish uchun ariza yozishsa bo‘ladi. “Zamin”ni Telegramʻda oʻqing!