«Rossiya pasportini ixtiyoriy ravishda olgan ukrainaliklar davlatga xiyonatda ayblanadi» — Ukraina prezidenti devoni maslahatchisi

^{Foto: «Iz.ru»}
Ukraina prezidenti devonining maslahatchisi Aleksey Arestovichning ma’lum qilishicha, ixtiyoriy ravishda Rossiya pasportini olgan va Rossiyani «faol qo‘llab-quvvatlagan»lar jinoiy javobgarlikka tortiladi. Bu haqda «Kommersant’» xabar bermoqda.

Uning fikricha, bu holatda eng yaxshi jazo — xiyonat uchun qamoq jazosidir.

2021 yilning fevral oyi holatiga ko‘ra, Qrimdagi 2,5 million Ukraina fuqarosi Rossiya pasportini oldi, dedi Ukrainaning vaqtincha bosib olingan hududlarini reintegratsiya qilish vaziri Oleksiy Reznikov (noyabrdan buyon mudofaa vaziri etib tayinlangan). 2022 yil may oyidan boshlab esa Rossiya Federatsiyasi nazorati ostidagi Zaporoje va Xerson viloyatlarida Rossiya pasportlari berila boshlandi. Avgust oyida Zaporojening rossiyaparast ma’muriyati aholi 6 mingta Rossiya pasportini olgani haqida xabar bergan edi.

Ukraina bosh vaziri o‘rinbosari Irina Vereshchukning avgust oyida Strana.ua nashriga bergan intervyusida, Ukrainaning Rossiya Federatsiyasi nazorati ostiga o‘tgan hududlari aholisi, agar ularni hamkorlikda gumon qilish uchun asoslar bo‘lmasa, Rossiya pasportini olish uchun javobgarlikka tortilmasligini aytdi. Uning aniqlik kiritishicha, pasport olish uchun davlat xizmatchilari va urush boshida davlat xizmatchisi bo‘lganlar, shuningdek, ularni pasport olishga targ‘ib qilgan va majburlaganlar jazolanadi. “Zamin” yangiliklarini “Telegram”da kuzatib boring