Rossiyada MiG-31 qiruvchi samolyoti halokatga uchradi

Rossiyaning Primorsk o‘lkasida MiG-31 qiruvchi samolyoti halokatga uchradi, deb yozmoqda «TASS».

«2 dekabr kuni Primorsk o‘lkasida rejalashtirilgan o‘quv parvozi chog‘ida MiG-31 samolyoti halokatga uchradi. Ekipaj parashyutdan sakrashga ulgurdi», deyiladi Sharqiy harbiy okrug matbuot xizmati xabarida.

Voqea joyiga qidiruv-qutqaruv xizmatining Mi-8 vertolyotlari yuborilgan.

«Parvoz o‘q-dorilarsiz amalga oshirilgan. Samolyot kimsasiz joyga qulagan. Dastlabki ma’lumotlarga ko‘ra, voqeaga texnik nosozlik sabab bo‘lgan bo‘lishi mumkin», — deyiladi xabarda.

Eslatib o‘tamiz, 17 oktabr kuni Krasnodar o‘lkasining Yeysk shahrida ham harbiy samolyot turarjoy binosiga qulagandi. Natijada 13 kishi halok bo‘lgan. “Zamin”ni Telegramʻda oʻqing!