Checheniston rahbari Ramzan Qodirovning fransuz brendiga tegishli qimmat kurtkasi muhokamalarga sabab bo‘ldi.
Ma’lum qilinishicha, Qodirov o‘zining TikTok qo‘shinlari bilan uchrashish uchun Louis Vuitton brendining kurtkasida kelgan. Brendning veb-saytida Qodirovnikiga o‘xshash ustki kiyimning narxi 252 ming rubldan (taxminan 3 200 dollar) boshlanadi.
2022-yil Ramzan Qodirovning kabinetida Louis Vuitton kolleksiyasidan bo‘lgan zarbli sumka ko‘zga tashlangandi. To‘plamning narxi 175 ming dollarni tashkil qilgan.
Fevral oyida Rossiya prezidentining qimmat kurtkasi omma e’tiborini tortgandi. Vladimir Putin 22-fevral kuni “Lujniki”dagi konsertga tashrifida qariyb 600 ming rubllik ( 7 931 dollar) kurtkada ko‘rinish bergan.
Rossiya rahbarining kashemir kiyimi Fransiyaning Serasin brendiga tegishli. Kurtka 2012-yil maxsus buyurtma asosida tikilgan. Bu Putin zaxirasidagi kiyimni kiygan bo‘lishi mumkinligini anglatadi.
Ta’kidlanishicha, Brioni va Loro Piana Rossiya prezidentining sevimli brendi hisoblanadi. 2022-yil Putin Brioni brendining 435 ming rubllik (5 748 dollar) kurtkasida ko‘rinish bergan.
