Foto: Heidi Levine for The Washington Post
Ukraina harbiylari «uzoq kutilgan qarshi hujumni» boshladi, deb yozdi The Washington Post'ga tayanib Kun.uz.
Nashrning to‘rtta manbasi bergan ma’lumotga ko‘ra, Ukraina qo‘shinlari mamlakatning janubi-sharqida rossiyaliklarning ilg‘or pozitsiyalariga zarbalarini kuchaytirgan va bosib olingan hududlarga «sezilarli hujum» boshlagan.
Ukraina Qurolli Kuchlari matbuot kotibi Valeriy Shershen, o‘z navbatida, Zaporijjya viloyatida «faollik kuchayganini» tasdiqladi, ammo buni «jiddiy voqea deb atamasligini», bu mintaqada Ukraina kuchlari, asosan, himoyalanishda davom etayotganini aytdi.
Shershen, shuningdek, Donetsk viloyatida «mahalliy ahamiyatga ega qarshi hujum harakatlari», xususan, Velika Novoselka qishlog‘i uchun olib borilayotgan janglarni tasdiqladi.
5 iyun kuni Ukraina mudofaa vaziri o‘rinbosari Anna Malyar Ukraina Qurolli kuchlari «ayrim yo‘nalishlarda» hujumga o‘tganini aytgan edi. Uning so‘zlariga ko‘ra, asosiy e’tibor Baxmutga qaratilgan, frontning janubiy qismida esa faqat mahalliy ahamiyatga ega janglar bo‘lmoqda.
6 iyun kuni Ukraina prezidenti devoni maslahatchisi Mixail Podolyak Kaxovka GES to‘g‘onining vayron qilinishi qarshi hujum rejalarini o‘zgartirishi mumkinligini ta’kidladi.
7 iyun kuni Ukraina Milliy xavfsizlik kengashi kotibi Oleksiy Danilov Ukraina hali qarshi hujumga o‘tmaganini va agar hujum boshlansa, «hamma bu haqda bilishini» da’vo qildi.
O‘z navbatida, Rossiya Mudofaa vaziri Sergey Shoygu 8 iyunga o‘tar kechasi Ukraina Zaporijjya yo‘nalishida Rossiya mudofaasini yorib o‘tishga uringanini aytdi.
Uning so‘zlariga ko‘ra, hujum yarim tunda 1500 kishi va 150 ta zirhli texnikadan iborat 47-mexanizatsiyalashgan brigada tomonidan boshlangan.
«Rossiya razvedkasi dushmanni payqab, artilleriya, aviatsiya va tankka qarshi qurollar bilan profilaktik zarbalar berdi. Ikki soatlik jang bo‘ldi, dushman to‘rt yo‘nalishda to‘xtatildi», dedi mudofaa vaziri.
Shoygu jang oqibatida rossiyalik harbiylar orasida qurbonlar bor-yo‘qligi haqida ma’lumot bermadi.
Rossiya va Ukraina urushi
“Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Lionel Messi o‘z prodyuserlik kompaniyasiga asos soldi
Tramp Zelenskiyning AQSHga tashrifi chog‘ida u bilan uchrashishdan bosh tortdi
Kuniga nechta olma yeyish mumkin? Ommabop mevaning zararli xususiyatlari
Oyatulloh Xomanaiy: “Yo‘qotishlarga qaramay, “Hizbulloh” kuchli bo‘lib qoladi”
Shvetsiya Eronni Qur’on yoqib yuborilgani uchun qasos olganlikda ayblamoqda
Hindiston BMTni isloh qilishga chaqirdi
Tramp Eron tomonidan o‘lim tahdidi haqida ogohlantirildi
O‘zbekiston Turkmaniston va Turkiya bilan mudofaa sohasida hamkorlik qiladi
