Qirg‘iziston prezidenti Sadir Japarov Saudiya Arabistoniga amaliy tashrifi doirasida Makka shahrida umra (kichik haj) ziyoratini ado etdi. Bu haqda prezident matbuot xizmati xabar berdi.
Umra vaqtida Japarov alohida sharafga sazovor bo‘ldi, jumladan, u muqaddas Ka’ba ichiga kirib, u yerda duo o‘qidi.
“Davlat rahbari Qirg‘iziston xalqi farovonligi va mamlakat ravnaqi uchun qodir Tangriga duolar qildi”, — deyiladi xabarda.
Bundan tashqari, Sadir Japarov Madina shahridagi Masjid an-Nabaviyga (Muhammad payg‘ambar masjidi) ham tashrif buyurgan.
Al-Masjid an-Nabaviy Saudiya Arabistonidagi eng katta masjid va Makkadagi Masjidul Haromdan keyingi Islomning ikkinchi muqaddas joyidir. U dunyodagi ikkinchi eng katta masjid bo‘lib, u yerda Muhammad (s.a.v.) payg‘ambar qabri joylashgan.
