Haaga sudiga a’zo 4 davlat Rossiya bo‘yicha bayonot bilan chiqdi

^{Foto: CNN}

Buyuk Britaniya, Kosta-Rika, Italiya va Yaponiya 7 avgust, dushanba kuni qo‘shma bayonot berib, unda Rossiyada Xalqaro jinoiy sud (XJS) prokurori Karim Xonga, shuningdek, XJSning uch sudyasiga nisbatan jinoiy ish qo‘zg‘atilishidan chuqur xavotir bildirdi.

«Sud o‘z ishtirokchi-davlatlarining butun xalqaro hamjamiyatni tashvishga solayotgan eng og‘ir jinoyatlar uchun javobgarlikni ta’minlash majburiyatini bildiradi. Rossiya sudning mandatiga putur yetkazishda davom etayotganidan afsusdamiz va biz sud tomoni, uning mansabdor shaxslari va xodimlari, shuningdek, u bilan hamkorlik qiluvchi shaxslar boshqa ishtirokchi-davlatlar bilan birgalikda qolishga qat’iyatimizni yana bir bor ta’kidlaymiz», deyiladi Buyuk Britaniya hukumati saytida e’lon qilingan bayonotda.

2023 yilning mart oyida XJS Rossiya prezidenti Vladimir Putinni, shuningdek, Rossiya bolalar ombudsmani Mariya Lvova-Belovani ukrainalik bolalarni Rossiyaga noqonuniy olib chiqib ketish ishi bo‘yicha hibsga olishga order berdi, bu harbiy jinoyatlar toifasiga kiradi. Shundan so‘ng, Rossiya Tergov qo‘mitasi (TQ) Xalqaro jinoiy sud (XJS) prokurori Karim Ahmad Xon (Buyuk Britaniya), shuningdek, sudyalar Tomoko Akane (Yaponiya), Rosario Salvatore Aytala (Italiya) va Serxio Xerardo Ugalde Godinesga (Kosta-Rika) nisbatan jinoiy ish qo‘zg‘atdi.

«Kommersant» gazetasining yozishicha, Rossiyada Karim Ahmad Xonga nisbatan aybsizligi ma’lum bo‘lgan shaxsni jinoiy javobgarlikka tortish, shaxsni og‘ir yoki o‘ta og‘ir jinoyat sodir etganlikda qonunga xilof ravishda ayblash moddalari, shuningdek, xalqaro munosabatlarni murakkablashtirish maqsadida xalqaro himoyadan foydalanayotgan xorijiy davlat vakiliga hujum qilishga tayyorgarlik ko‘rish bo‘yicha ish qo‘zg‘atilgan.

Yangiliklar