Ukraina jangarilari asirga tushgan RF askarlarini minalashtirilgan maydonga jo‘natdi

Ukraina harbiylari asirga olingan rossiyalik askarlarni maxsus operatsiya zonasidagi minalashtirilgan maydonga jo‘natdi, deb xabar berdi RIA Novosti o‘zining manbasiga tayanib.

"Video Ukraina dala istehkomidan topilgan telefonda bo‘lgan. Unda Ukraina harbiylari asirga olingan rossiyalik askarlarni minalashtirilgan maydonga "Agar u yerdan o‘tsangiz, ozod bo‘lasiz" degan so‘zlar bilan haydamoqda”, — dedi agentlik suhbatdoshi tegishli videoni ko‘rsatib.

Unga taqdim etilgan videoda Ukraina qurolli kuchlarining bir guruh askarlari qurol bilan Rossiya armiyasi kiyimidagi qurolsiz odamlarni dalaga haydab, “Mana, “ozod qiluvchilar”, “yaxshi kelishyapti” deyishayotgani aks etgan.

Shuningdek, ukrainalik jangarilardan biriga asirlardan birining yurishi yoqmadi va u tomonga qarata o‘q uzdi. Video oxirida asirlardan biri tomonida portlash yuz berganini ko‘rish mumkin.

Internetda rossiyalik harbiy xizmatchilarni shavqatsizlik bilan jazolash yoki qiynoqlar aks etgan videolar bir necha bor paydo bo‘lgan. O‘tgan yilning noyabr oyida ukrainalik askarlar taslim bo‘lgan va yerda yotgan rus askarlarini otib tashlagan video paydo bo‘lgandi. Inson huquqlari bo‘yicha kengash raisi Valeriy Fadeyevning so‘zlariga ko‘ra, bu voqea LXRning Makeyevka qishlog‘ida sodir bo‘lgan. Asirga olingan rus askarlarining oyoqlariga o‘q uzilgani aks etgan video ham paydo bo‘ldi. Bundan tashqari, Ukraina asirligidan qaytgan harbiy xizmatchilar qiynoqlar haqida gapirdi: so‘roq paytida ular oyoqlarini otib, barmoqlarini kesib, armatura va elektr toki bilan urishgan.

Avvalroq BMT Inson huquqlari bo‘yicha komissiyasining Ukraina bo‘yicha tergov komissiyasi hisobotida ukrainalik askarlarning rossiyalik harbiy asirlarni otib, qiynoqqa solish orqali harbiy jinoyatlarini sodir etgani haqida xabar bergan edi. BMT missiyasi Ukraina qo‘shinlari tomonidan rossiyalik asirlarga nisbatan 25 ta mana shunday holat haqida xabar berdi. Bundan tashqari, Ukraina rossiyalik harbiy asirlarni otib tashlagan o‘z askarlariga nisbatan jinoiy ish qo‘zg‘atmadi, garchi bir necha qatl hujjatlashtirilgan bo‘lsa ham, dedi BMT OHCHR rahbari Folker Tyurk.

Joriy yilning iyul oyida Rossiya Tergov qo‘mitasi ukrainalik jangarilar tomonidan rossiyalik harbiy asirlarga nisbatan shafqatsizlik bilan munosabatda bo‘lish faktlari yuzasidan tekshiruv o‘tkazilishi haqida xabar bergandi.

Rossiya va Ukraina urushi Yangiliklar