Rossiya tashqi ishlar vaziri G‘arbni «yolg‘onlar imperiyasi» deb atadi

^{Foto: Rossiya TIV}

Rossiya tashqi ishlar vaziri Sergey Lavrov G‘arbni «yolg‘on imperiyasi» deb atadi.

«Dunyoning qolgan qismiga past nazar bilan qarashga odatlangan amerikaliklar va yevropaliklar ko‘pincha va’dalar beradi, majburiyatlarni, shu jumladan yozma va qonuniy majburiyatlarni oladi, keyin ularni bajarmaydi. [Rossiya] prezident Vladimir Vladimirovich Putin ta’kidlaganidek, G‘arb haqiqiy «yolg‘onlar imperiyasi», dedi Rossiya tashqi ishlar vaziri BMT Bosh assambleyasi 78-sessiyasining umumiy siyosiy muhokamasida.

Lavrov muhokamada so‘zga chiqqan ko‘pchilikning «sayyora qaytarib bo‘lmas o‘zgarishlarni boshdan kechirmoqda» degan fikrga e’tibor qaratdi.

«Ko‘z o‘ngimizda yangi dunyo tartibi tug‘ilmoqda. Kelajak konturlari global boylik va sivilizatsiya xilma-xilligini yanada adolatli taqsimlash tarafdori bo‘lgan ko‘pchilik va o‘zining hukmronligini saqlab qolish uchun neokolonial bo‘ysunish usullaridan foydalanadigan oz sonlilar o‘rtasidagi kurashda yaratilmoqda», - dedi u.

«Kollektiv G‘arbning o‘ziga xos tashrif qog‘ozi - tenglik tamoyilini qabul qilmaslik va to‘liq muzokaraga kirishishdan qochish», deb xulosa qildi Rossiya diplomatik xizmati rahbari.

Шухрат Раззаков

«ZAMIN.UZ» muharriri