Checheniston politsiyasi Qodirovning o‘g‘liga nisbatan ish ochishdan bosh tortdi

^{Foto: Ijtimoiy tarmoqlar}

Checheniston Ichki ishlar vazirligi tergov izolatorida qo‘lga olingan shaxs Ramzan Qodirovning o‘g‘li Adam tomonidan kaltaklangani yuzasidan tekshiruv o‘tkazdi. Mahkama jinoiy ish qo‘zg‘atishdan bosh tortdi, chunki Checheniston rahbarining o‘g‘li 15 yoshda va bunday jinoyatlar uchun jinoiy javobgarlikning eng kam yoshi 16 da, deb xabar berdi Baza Telegram-kanali 4 oktyabr, chorshanba kuni.

Tekshiruv Grozniy shahrining Ahmat tumani 1-sonli politsiya bo‘limi xodimlari tomonidan o‘tkazilgan va jarayon Checheniston prokuraturasi nazorati ostida bo‘lgan, deya qayd etadi Baza.

Qur’onni yoqib yuborgani uchun qo‘lga olingan shaxsning kaltaklanishi

Avgust oyi o‘rtalarida Volgogradda Qur’onni yoqib yuborishda ayblanib qo‘lga olingan (tergov «u «Ukraina maxsus xizmatlari topshirig‘ini bajargan» deb iddao qilmoqda) va Chechenistonga jo‘natilgan Nikita Juravel Checheniston tergov izolatorida Ramzan Qodirovning o‘g‘li - 15 yoshli Adam tomonidan kaltaklangani haqida xabarlar tarqalgan edi.

25 sentyabr kuni Ramzan Qodirovning Telegram-kanalida Juravelning kaltaklangani aks etgan video e’lon qilingan. Checheniston rahbari videoga bergan izohida Adamning harakatidan faxrlanishini yozgan.

Шухрат Раззаков

«ZAMIN.UZ» muharriri

Mavzuga oid yangiliklar

ChatGPT homilador ayol va uning chaqalog‘iga najot berdi — haqiqiy hayot hikoyasi

Bugun, 21:23

Quyoshdagi ulkan teshik tufayli Yerda kuchli magnit bo‘roni kutilmoqda

Bugun, 19:25

G‘azodagi fojia bo‘yicha surishtiruv natijalari: 15 nafar qutqaruvchining halok bo‘lishi sabablari ochiqlandi

Bugun, 17:50

Pasxa sulhi buzilgani haqida har ikki tomondan dastlabki ayblovlar

Bugun, 16:19

Tramp Rossiya va Ukraina yaqin kunlarda kelishuvga erishishiga umid bildirmoqda

Bugun, 15:56

Rim papasi Fransisk 88 yoshida vafot etdi: Vatikanda motam e’lon qilindi

Bugun, 14:54