Osrrey harbiy samolyoti / Foto: Global Look Rress
Amerikaning V-22 Osrrey harbiy samolyoti Yaponiya janubi-g‘arbidagi orol yaqinida qulab tushdi, deb xabar bermoqda Kyodo va NHK mamlakat qirg‘oq qo‘riqlash xizmatiga tayanib.
Samolyotda sakkiz kishi bo‘lgani taxmin qilinmoqda. Samolyot Kagosima prefekturasi yaqinida dengizga qulagan. Osrrey dengiz piyodalari korpusi va AQSH harbiy-havo kuchlari maxsus operatsiyalar qo‘mondonligida xizmat qilar edi.
Yaponiya Yer, infratuzilma, transport va turizm vazirligi ma’lumotlariga ko‘ra, Osrrey Yamaguchi prefekturasida Amerikaning “Ivakuni” harbiy bazasidan havoga ko‘tarilib, Okinavada joylashgan boshqa harbiy bazaga yo‘l olgan. Mudofaa vazirligining aniqlik kiritishicha, uchoq o‘z manzilini o‘zgartirib, aeroportga ketayotganda halokatga uchragan.
2016 yil dekabrida bu turdagi samolyot Okinava prefekturasining Nago shahridagi qishloq yaqinidagi sayoz suvga favqulodda qo‘ngan edi. Oqibatda unga jiddiy zarar yetgan, deya aniqlik kiritmoqda NHK. Qurbonlar bo‘lmagan, biroq prefektura aholisi “xavotir va g‘azab” bildirishgan.
27 avgust kuni Avstraliyaning Melvill oroli qirg‘oqlarida Rredators Tun mashqlari chog‘ida V-22 Osrrey samolyoti qulab tushgandi. Samolyot bortida 23 nafar dengiz piyodasi bo‘lgan, ulardan besh nafari Darvindagi kasalxonaga yotqizilgan. Avariya oqibatida uch nafar harbiy halok bo‘lgan.
“Zamin” yangiliklarini “Telegram”da kuzatib boring
