Meksikada yuz bergan YTH natijasida 8 kishi halok bo‘ldi

Meksikada avtobus, ikkita yengil avtomobil va yuk mashinasining to‘qnashib ketishi oqibatida 8 kishi halok bo‘ldi, deb “RIA Novosti” xabar berdi.

Shuningdek, 35 kishi jarohat olgan. Halokat Puerto-Penyaksko va Sonoyta shaharlari orasidagi shosseda yuz bergan. Hozirda jarohat olganlarning olti nafarining ahvoli jiddiy ekanligini to‘g‘risida ma’lumot berilmoqda. Vafot etganlar orasidagi 3 nafari bola ekanligi aniqlangan.