Rossiya kuchlari Donetskda Ukraina hujumini qaytardi

^{Foto: “TASS”}
1 mart kuni Rossiya kuchlari Donetsk janubida Ukrainaning ikkita yo‘nalishdagi hujumini qaytardi va hududni xavfsizlantirdi. Bu haqda CNN nashri Rossiya harbiy ma’muriyatlari tarqatgan ma’lumotga asoslanib, xabar berdi.

“Rossiya qo‘shinlari Malinovka aholi punkti yaqinida 102-hududiy mudofaa brigadasining ikkita hujumini qaytardi. Shuningdek, Malinovka va Ravnopol aholi punktlari yaqinida dushman qo‘shinlarining aylanma harakatlari oldi olindi”, — deyiladi harbiy qo‘mondonlik xabarida.

Xabarda aytilishicha, Rossiya kuchlari Urojanoye, Ravnopol, Ugledar, Staromayorskoye va Gulyapole aholi punktlari yaqinidagi harbiy istehkomlar va dushman askarlari foydalanishi mumkin bo‘lgan obyektlarni nishonga olgan. Hujum oqibatida 12 ta to‘planish punkti, ikkita dron boshqaruv markazi va bitta qurollanish punktini yo‘q qilgan.

Qarshi hujumda 100 dan ortiq Ukraina askari halok bo‘lgani xabar qilingan. Ukraina tomoni bu haqda rasmiy ma’lumot bermagan. “Zamin” yangiliklarini “Telegram”da kuzatib boring