Rossiya havo mudofaasi bir sutkada 130 ta Ukraina dronini urib tushirdi

^{© RIA Novosti}
Rossiya havo hujumidan mudofaa tizimlari oxirgi 24 soat ichida 130 ta Ukraina droni va uchta HIMARS RSZO snaryadlarini urib tushirdi. Bu haqda RIA Novosti Rossiya Mudofaa vazirligiga tayanib xabar berdi.

“Havo hujumidan mudofaa tizimlari AQSHda ishlab chiqarilgan uchta HIMARS raketa tizimini urib tushirdi. Bundan tashqari, Ukrainaning 130 ta uchuvchisiz uchish apparatlari, jumladan, Lugansk Xalq Respublikasining Privole, Kremenna, Aleksandrovka, Yasinovataya, Verxnetoretskoye, Stepnoye, Donetsk Xalq Respublikasining Maryanovka, Novoye, Trudovoye, Novoprokopovka va Zaporoje viloyatining Lyubimovka aholi punktlari hududlarida yo‘q qilindi", — deyiladi xabarda.

Maxsus operatsiya boshlanganidan beri hammasi bo‘lib Ukrainaning 577 ta harbiy samolyoti, 267 vertolyoti, 14 985 ta uchuvchisiz uchish apparati, 484 zenit-raketa tizimi, 15 420 tank va boshqa zirhli jangovar transport vositalari, 1235 ta ko‘p sonli raketa tizimi, 58 ta raketa tizimi, artilleriya qismlari va minomyotlari, shuningdek, 19 572 dona maxsus harbiy texnika yo‘q qilindi. “Zamin” yangiliklarini “Telegram”da kuzatib boring