date
views 708

Duma rasmiysi: “Fransuz askarlari Ukrainaga kelsa, Rossiya armiyasi ularning barchasini qirib tashlaydi”

Duma rasmiysi: “Fransuz askarlari Ukrainaga kelsa, Rossiya armiyasi ularning barchasini qirib tashlaydi”
Foto: “TASS”
Rossiya harbiylari ,Ukrainaga fransuz kontingenti kelgan taqdirda, barcha fransuz askarlarini qirib tashlaydi. Bu haqda Davlat dumasi spikeri o‘rinbosari Pyotr Tolstoy “TASS” nashriga ma’lum qildi.

Bizning bu borada bildirishimiz mumkin bo‘lgan fikr bitta: Ukraina hududiga keladigan barcha fransuz askarlarini o‘ldiramiz. Hammasini!”, — degan Davlat dumasi rasmiysi.

Pyotr Tolstoy ma’lum qilishicha, hozirga qadar Ukrainaga jang qilish uchun kelgan 367 nafar fransuz yollanma askaridan 147 nafari yo‘q qilingan. Shuningdek, Yevropaning boshqa qismlaridan kelgan yollanma askarlarning ham ko‘pchiligi qirib tashlangan.

Bundan tashqari, Tolstoy Rossiya Fransiya prezidenti Emmanuel Makronning bayonotlari va uning Kiyevga yordam ko‘rsatishda “qizil chiziqlar”ni istisno qilish haqidagi so‘zlariga parvo qilmasligini ta’kidlagan.

19 mart kuni Rossiya Tashqi razvedka xizmati direktori Sergey Narishkin Fransiya Ukrainaga jo‘natiladigan harbiy kontingentni hozirdanoq tayyorlayotganini, bu qism dastlab 2000 ga yaqin askarni o‘z ichiga olishini ma’lum qilgan edi.
Ctrl
Enter
Xato topdIngizmi
Iborani ajratib Ctrl+Enter tugmasini bosing
Yangiliklar » Dunyo » Duma rasmiysi: “Fransuz askarlari Ukrainaga kelsa, Rossiya armiyasi ularning barchasini qirib tashlaydi”