Rossiya kuchlari so‘nggi 7 kun ichida Ukrainaga 58 ta havo hujumi tashkil etdi

^{Foto: “TASS”}
Rossiya Qurolli kuchlari so‘nggi 7 kun ichida Ukrainaga 1 ta ommaviy va 57 ta aniq zarbalar bergan. Bu haqda “TASS” nashri Rossiya mudofaa vazirligi bayonotiga asoslanib, ma’lum qildi.

Xabarda aytilishicha, hujumlarda “Sirkon” qanotli va “Kinjal” gipertovushli ballistik raketalaridan foydalanilgan. Raketalar strategik muhim nuqtalarga yo‘naltirilgan.

Rossiya mudofaa vazirligi ma’lumotlariga ko‘ra, raketa va dron zarbalari Ukraina harbiy-sanoat majmuasi, Qurolli kuchlar va xavfsizlik xizmati qaror qabul qilish markazlari, uchuvchisiz tezyurar katerlarni yig‘ish sexlari, arsenallar, yoqilg‘i omborlari, havo hujumidan mudofaa obyektlari, energetika infratuzilmasi obyektlari va maxsus qurilmalarni vaqtincha joylashtirish punktlariga yo‘naltirilgan. Ukraina hududidagi xorijiy yollanma askarlar to‘planish punktlariga ham hujumlar uyushtirilgan.

Xabarda qo‘shimcha qilinishicha, o‘tgan 7 kun ichida jami 18 nafar ukrainalik harbiy xizmatchi ruslarga taslim bo‘lgan. Ularga nisbatan qanday munosabat bildirilgani haqida rus armiyasi shtabi ma’lumot bermagan. “Zamin” yangiliklarini “Telegram”da kuzatib boring