Foto: Reuters
Telegram asoschisi Pavel Durov messenjerni Rossiya rasmiylari nazorat qilayotgani haqidagi mish-mishlarga oydinlik kiritdi. Bu haqda u amerikalik jurnalist Taker Karlsonga bergan intervyusida ma’lum qildi.
Durov bu kabi mish-mishlar Telegram'ning tashkil topish tarixini bilmaydigan odamlar tomonidan tarqatilayotganini aytdi. U bu qarashni messenjerning raqobatchilari qo‘llab-quvvatlayotgani, chunki ular Telegram auditoriyasi o‘sishiga e’tibor qaratayotganini ta’kidladi.
“Bu kabi gaplarni Telegram qayerdan kelgani haqida juda kam ma’lumotga ega odamlar aytishi mumkin. Ularni, ehtimol, raqobatchilarimiz rag‘batlantiradi, buni bizni obro‘sizlantirishning yaxshi usuli deb bilishadi, chunki Telegram o‘rmon yong‘ini kabi tarqalmoqda”, — dedi Durov.
U marketingga “bir dollar ham” sarflamasligi, ayni paytda Telegram'da har kuni 2,5 million foydalanuvchi ro‘yxatdan o‘tishi, ularning umumiy soni 900 million kishiga yetganini ma’lum qildi.
“Raqobatchilarimiz marketingga o‘nlab milliard dollar sarflaydi va bu kabi kampaniyalar uchun PR-firmalardan foydalanishlari bilan mashhur”, — dedi milliarder.
Intervyuda Durov Telegram'ni yaratish g‘oyasi Rossiyada yashaganida paydo bo‘lgani va bu aloqa uchun xavfsiz, mustaqil platformani ishlab chiqish istagi bilan bog‘liqligini aytdi. Bundan yetti yil avval 2013 yilda ishga tushirilgan Telegram'ning Dubayda bosh ofisi ochilgan. Durovning tushuntirishicha, bu qaror BAAning “siyosiy betarafligi” va mahalliy hokimiyat tomonidan bosimning yo‘qligi bilan bog‘liq. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Moskva aeroportlarida 1000 ga yaqin tojikistonlik qolib ketdi
“Barsa” ikki yulduz uchun bittasini “qurbon” qiladi
Saylovoldi kurashida Tramp Baydenni ortda qoldirmoqda
UFC Vegas 91. O‘zbekistonlik Bogdan Guskov amerikalik jangchini nokautga uchratdi (video)
Putin Germaniyaning Rossiyadagi aktivlarini "Gazprom"ga topshirdi
Ukraina urushidagi vaziyat: AQSHning yordami kechikmadimi?
U-23 Osiyo kubogi. Norchayev finalda gol ursa, to‘purar bo‘lishi mumkin
Eng yaxshi superfud: ismaloqning foydali xususiyatlari