Kursk va Belgorod viloyatlari: dronlarning yangi hujumi

^{Foto: Rossiya Mudofaa vazirligi}
Rossiya Mudofaa vazirligi Ukraina uchuvchisiz uchoqlarining Ukraina bilan chegaraga yaqin hududlarga yangi hujumi haqida ma’lum qildi. 8 avgust, payshanbaga o‘tar kechasi Belgorod viloyatida 14 ta, Kursk viloyatida esa 2 ta samolyot tipidagi UUA urib tushirildi, deb yozadi departament. Bundan tashqari, shu kuni erta tongda Ukrainaning ikkita uchuvchisiz samolyoti «Kursk va Oryol viloyatlari uzra tutib olindi», deya ma’lum qildi Rossiya Mudofaa vazirligi.

O‘z navbatida, Kursk viloyati gubernatori vazifasini bajaruvchi Aleksey Smirnov 8 avgust kuni ertalab mintaqada bir kechada 6 ta dron va 5 ta raketa urib tushirilganini ma’lum qildi. Kechasi u Rossiya havo hujumidan mudofaa kuchlari Kursk viloyati uzra Ukraina Qurolli kuchlarining 7 ta raketasini urib tushirgani haqida ham yozdi.

Ayni paytda "Meduza" rossiyalik Z-blogerlar Ukraina Qurolli kuchlarining Kursk viloyatidagi yangi muvaffaqiyatlari haqida yozganini ta’kidlaydi. Urushparast Telegram-kanallar xabariga ko‘ra, Ukraina bo‘linmalari Sudja shahri chekkalarini egallab, Korenevo qishlog‘iga yaqinlashgan. Rossiya Federatsiyasi va Kursk viloyati rasmiylari bu xabarlarga izoh bermayapti.

Rossiya Ukrainaga qarata to‘rtta raketa va to‘rtta uchuvchisiz uchoq uchirdi

Kechasi Rossiya Ukrainaga ikkita «Iskander-M» ballistik raketasi, ikkita X-59 boshqariladigan raketalari va to‘rtta Shahed uchuvchisiz uchoqlari bilan hujum qildi. Ikkita raketa va barcha UUA urib tushirildi, deya xabar beradi Ukraina Qurolli kuchlari. Rossiya Federatsiyasining Belgorod viloyatidan Ukrainaning Xarkiv viloyatiga uchirilgan ikkita raketa hujumi oqibatlari haqida ma’lumot berilmagan.

Kursk viloyatida janglar

Kursk viloyatining Sudjanskiy va Korenevskiy tumanlarida oxirgi ikki kundan beri janglar davom etmoqda. Rossiya Mudofaa vazirligi va harbiy ekspertlar ma’lumotlariga ko‘ra, Ukraina armiyasining bo‘linmalari Rossiya Federatsiyasi hududiga kirib kelgan. Kamida ikkita rossiyalik harbiy xizmatchi asirga olindi va rus armiyasi Ka-52 vertolyotini yo‘qotdi - u FPV-dron tomonidan urib tushirildi. Rossiya rasmiylari «dushmanning oldinga siljishini to‘xtatilgan» va «vaziyat nazorat qilinmoqda» deya ishontirdi, ammo chegaradan 10 kilometr uzoqlikdagi 5000 aholisi bo‘lgan Sudja shahrida janglar haqida dalillar paydo bo‘lmoqda. Ukraina tomoni chegaradagi o‘zgarishlar haqidagi xabarga rasman izoh bermadi.

Rossiya prezidenti Vladimir Putin Ukraina Qurolli kuchlarining Moskvadan 500 km uzoqlikdagi Kursk viloyati bilan chegarani kesib o‘tganini «keng ko‘lamli provokatsiya» deb baholadi. Davlat rahbari 7 avgust kuni hukumat a’zolari bilan bo‘lib o‘tgan yig‘ilishda nutq so‘zladi. Keyin huquqni muhofaza qiluvchi idoralar rahbarlari ishtirokida yig‘ilish o‘tkazdi. Unda mudofaa vaziri Andrey Belousov, Rossiya Xavfsizlik kengashi kotibi Sergey Shoygu va Federal xavfsizlik xizmati direktori Aleksandr Bortnikov ishtirok etdi. Hisobotni Qurolli kuchlar Bosh shtabi boshlig‘i Valeriy Gerasimov taqdim etdi. “Zamin” yangiliklarini “Instagram”da kuzatib boring