AQSH Kurskdagi operatsiya tufayli Ukraina borasida yangi qaror tayyorlamoqda

^{Foto: AP}
Oq uy Kursk viloyatidagi operatsiya munosabati bilan Ukraina Qurolli kuchlariga yordamni muhokama qilmoqda. Bu haqda The Washington Post xabar berdi.

“Amerikaliklarga ko‘ra, ular Kiyevning umumiy hujum strategiyasiga ishonchi komil emas va Ukrainaning Amerika qurollariga qaramligi AQSH va NATOning Rossiya bilan to‘g‘ridan to‘g‘ri mojarosining kuchayishi qo‘rquvini jonlantirdi”, deyiladi xabarda.
Ismini oshkor etmagan amerikalik rasmiy jurnalistlarga AQSH prezidenti Jo Bayden ma’muriyati Ukraina armiyasining Kursk yaqinidagi harakatlari tufayli Ukrainaga bo‘lajak harbiy yordam paketlari hajmini o‘zgartirish bo‘yicha ichki munozaralarni o‘tkazayotganini aytgan.

Yana bir amerikalik rasmiyga ko‘ra, Vashington haligacha Kiyevning Kursk viloyatidagi operatsiya bo‘yicha aniq rejalari haqida bilmaydi.

6 avgust kuni Ukraina QK bo‘linmalari Kursk viloyatidagi hududlarni egallab olish maqsadida hujumga o‘tgan edi. 22 avgust kuni Ukraina aviatsiyasi Amerikaning yuqori aniqlikdagi GBU-39 bombalaridan foydalangan holda Kursk viloyatidagi rossiyaliklarning vzvod tayanch punktiga hujum qilgani xabar berilgandi.

Natijada dronlarni boshqarish markazi, radioelektron kurash bo‘linmasi, texnika, qurollar va 40 nafargacha rus harbiysi yo‘q qilingan. GBU-39 yoki GLSDB — AQSHning yuqori aniqlikdagi boshqariladigan aviabombasi. U harbiy yordam doirasida Ukraina armiyasiga yetkazib berilgan.

Aviabombaning og‘irligi 130 kilogramm bo‘lib, maksimal ta’sir radiusi 110 kilometrni, nishonga urish aniqligi esa 5 metrdan 8 metrgacha oraliqni tashkil etadi. “Zamin” yangiliklarini “Telegram”da kuzatib boring