Foto: AP
Telegram messenjeri asoschisi Pavel Durovga nisbatan Fransiyada boshlangan tergov kompaniyaning yaqin ikki yil ichida birjaga chiqish rejalarini izdan chiqarishi mumkin, chunki investorlar va reklama beruvchilar platformaga sarmoya kiritishni istamaydi. Bu haqda 30 avgust, juma kuni Financial Times gazetasi ekspertlarga tayanib yozdi.
«Agar ular Telegram'ni firibgar deb hisoblasa, investorlar IPO‘da ishtirok etadimi? Ishonchim komil emas. Obligatsiyalarga investorlar ham xuddi shunday dilemmaga duch kelishadi», dedi jurnalistlarga Telegram qimmatli qog‘ozlari egalaridan biri. Boshqa bir obligatsiya egasi Durovning qo‘lga olingani haqidagi xabardan so‘ng kompaniyadan hech qanday ma’lumot olmaganini aytdi.
Mart oyida Durov nashrga bergan intervyusida IPO o‘tkazish imkoniyatini ko‘rib chiqayotganini aytgandi. Uning ta’kidlashicha, potensial investorlar kompaniyani «30 milliard dollardan ortiqqa» baholagan.
Makron Durovning Fransiyaga kelishini oldindan bilmaganini aytdi
Fransiya prezidenti Emmanuel Makron 29 avgust kuni Serbiyaga tashrifi chog‘ida Telegram asoschisi Pavel Durovning Fransiyaga «taklif etilgani haqidagi» ma’lumotni rad etdi. Bu haqda Fransiya OAV, jumladan, Le Figaro gazetasi va BFMTV telekanali xabar berdi.
«Mamlakatimizda hokimiyat bo‘linishi bor, men uning kelishidan bexabar edim. Bu oddiy hol. Taklifnoma rasmiylashtirganim yolg‘on», - deya Makronning so‘zlarini keltiradi BFMTV.
Avvalroq, 27 avgust kuni Le Canard enchaîné satirik gazetasi 24 avgust kuni Parijdagi Le Burje aeroportida qo‘lga olinganida Pavel Durov Makron bilan kechki ovqatga borishi kerakligini aytganini yozgan edi.
Germaniya Telegram'ni yetarlicha hamkorlik qilmaganlikda aybladi
Konstitutsiyani himoya qilish federal idorasi (BfV) rahbari o‘rinbosari Zinan Zelen Telegram platformasini hamkorlikka tayyor emaslikda aybladi. Zelen tegishli pozitsiyani 28 avgust kuni Berlinda bildirdi.
Uning so‘zlariga ko‘ra, turli doiralar Pavel Durov platformasida muloqot qiladi va idora «diqqat markazida» bo‘ladi. Shu bilan birga, terrorizm yoki o‘ng ekstremizmga qarshi kurashish haqida gap ketganda, «boshqa platformalardagi kabi ma’lumotlar almashinuvi (Telegram tomonidan) yo‘q», deb ta’kidlaydi Zelen.
«Biz Telegram'ga savollar ham beryapmiz» va «javoblar - cheklangan», deya uning so‘zlarini keltiradi AFP. «Qonunan ruxsat etilgan» so‘rovlar doirasida axborotni juda tez va ishonchli taqdim etuvchi platformalar mavjud, biroq Telegram ulardan biri emas, deya qo‘shimcha qildi Zelen. “Zamin” yangiliklarini “Vkontakti”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
