Foto: Sergei Fadeichev/TASS/dpa/picture alliance
Moskvadagi 235-garnizon harbiy sudi pora olishda gumon qilingan Leningrad harbiy okrugi qo‘mondoni o‘rinbosari Valeriy Mo‘minjonovni tergov talabini qanoatlantirib, hibsga oldi. TASS muxbirining 3-sentyabr, seshanba kuni sud zalidan xabar berishicha, general-mayorni 2 noyabrga qadar hibsda saqlash to‘g‘risidagi sud qarori hali kuchga kirgani yo‘q va himoya tomoni bu haqda apellyatsiya berish niyatida.
Mo‘minjonovaning advokati yopiq eshiklar ortida o‘tgan yig‘ilishda unga nisbatan ehtiyot chorasi sifatida uy qamog‘ini qo‘llashni so‘radi. Leningrad harbiy okrugi qo‘mondoni o‘rinbosarining o‘zi aybini tan olmadi.
Mo‘minjonovning hibsga olingani bir kun avval ma’lum bo‘ldi, Rossiya Federatsiyasi Tergov qo‘mitasi unga nisbatan juda katta miqdorda pora olgani uchun jinoiy ish qo‘zg‘atilganini bildirdi. Tergov ma’lumotlariga ko‘ra, u Rossiya Federatsiyasi Mudofaa vazirligining resurslar bilan ta’minlash boshqarmasi boshlig‘i lavozimida ishlagan va Rossiya armiyasini kiyim-kechak bilan ta’minlash uchun javobgar bo‘lganida 20 million rubldan ortiq miqdorda pora olgan. Valeriy Mo‘minjonov, Tergov qo‘mitasining ma’lumotlariga ko‘ra, Mudofaa vazirligi manfaatlarini ko‘zlab, shu jumladan Rossiya Federatsiyasi harbiy amaliyotlari zonasida kiyim-kechak yetkazib berish bo‘yicha tijorat kompaniyalari bilan 1,5 milliard rubldan ortiq shartnomalar tuzishga «ko‘maklashgan».
«Tergov davomida Mo‘minjonov va uning oila a’zolari Moskva va Voronej shaharlarida qiymati 120 million rubldan ortiq bo‘lgan ko‘plab ko‘chmas mulk obyektlariga ega ekani aniqlandi, ularni sotib olishning qonuniyligi tekshirilmoqda», — deyiladi RF Tergov qo‘mitasi xabarida.
Shoyguning uchinchi sobiq o‘rinbosari firibgarlik ishi bo‘yicha ushlandi
29 avgust kuni Tergov qo‘mitasi Rossiya mudofaa vazirining sobiq o‘rinbosari Pavel Popovga nisbatan jinoiy ish qo‘zg‘atdi. Tergov ma’lumotlariga ko‘ra, 2021 yildan 2024 yilgacha Popov «Patriot» bog‘i ishini tashkil qilish uchun mas’ul bo‘lgan va «boyib ketgan». Shu kuni Moskvadagi 235-garnizon harbiy sudi Popovni 29 oktyabrgacha tergov izolatoriga jo‘natdi.
Pavel Popov uzoq vaqt Rossiya sobiq mudofaa vaziri Sergey Shoygu bilan ishlagan: 2008 yildan 2013 yilgacha u Favqulodda vaziyatlar vazirligida uning o‘rinbosari bo‘lgan. Popov 11 yil davomida mudofaa vaziri o‘rinbosari lavozimida ishlagan va ikki oy avval ishdan bo‘shatilgan edi. Amaldor Shoygu jamoasidan qo‘lga olingan uchinchi vazir o‘rinbosari bo‘ldi: avvalroq Tergov qo‘mitasi Dmitriy Bulgakovni 1,3 milliard rubllik korrupsion kelishuvlar uchun, Timur Ivanovni esa 1,2 milliard rubl pora uchun ushlagan edi. “Zamin” yangiliklarini “Twitter”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Qozog‘iston Ukraina atrofidagi vaziyat tufayli harbiy va fuqarolik obyektlari xavfsizligini kuchaytirdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Italiya sudi Quddus Isroil poytaxti emasligi haqida qaror chiqardi
2026 yilda bo‘lajak mundialning favoritlari reytingi taqdim etildi
Putin Ukrainadagi obyektga ballistik raketa zarbasi berilganini e’lon qildi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
O‘mon sultonligi elchisi: «Urushlarni harbiy kuch bilan hal qilib bo‘lmaydi»
