Foto: COMMONWEALTH MEDIA SERVICES/Handout via REUTERS
Ukraina prezidenti Volodimir Zelenskiy AQSHga olib kelgan «g‘alaba rejasi»da respublikachi nomzod Donald Tramp prezidentlik saylovlarida g‘alaba qozongan taqdirda Ukraina uchun kafolatlar ham bor. Bu haqda 22 sentyabr kuni The Sunday Times nashri manbalarga tayanib xabar berdi.
Nashrning yozishicha, Zelenskiy Oq uyda Jo Baydenning o‘tmishdoshi, shuningdek, Respublikachilar partiyasidan vitse-prezidentlikka nomzod Jeyms Devid Vens Ukrainadagi urushni hududiy imtiyozlar orqali tugatishga va’da berganidan keyin «Amerikaning Kiyevni qo‘llab-quvvatlashini Trampdan himoya qilmoqchi».
Zelenskiy o‘z rejasini AQSHning amaldagi ma’muriyati qo‘llab-quvvatlashiga erishishga urinib, agar Tramp Oq uyga qaytsa, o‘z mamlakatini Rossiya bilan noqulay tinchlik bitimiga majburlanishiga yo‘l qo‘ymaslikka harakat qilmoqda. «Ukraina g‘alaba qozonishini istaydigan barcha amaldorlar o‘z lavozimida turgan bir paytda bularning barchasini bugun qilaylik», — deya Ukraina prezidentining so‘zlaridan iqtibos keltiradi Britaniya gazetasi.
«Ukraina g‘alabasi rejasi»
Ukraina prezidenti Volodimir Zelenskiy Amerika davlat rahbari Jo Baydenga to‘rt asosiy va bitta qo‘shimcha banddan iborat «Ukraina g‘alabasi rejasi»ni taqdim etadi. Zelenskiy CNN jurnalisti Farid Zakariyaga bergan intervyusida rejaning ayrim tafsilotlarini oshkor qildi. Suhbatdan parchalar 15 sentyabr kuni «Ukrainskaya pravda» nashri tomonidan chop etilgan.
«Men bir nechta bandlarni tayyorladim. Ulardan to‘rttasi asosiy bandlar, plyus bittasi esa urushdan keyin bizga kerak bo‘ladi», dedi Zelenskiy. Uning so‘zlariga ko‘ra, gap xavfsizlik, Ukrainaning geosiyosiy o‘rni, juda kuchli harbiy yordam, shuningdek, iqtisodiy yordam bo‘yicha qarorlar haqida bormoqda. «Agar prezident Bayden bizning rejamizni qo‘llab-quvvatlasa, u va uning jamoasi bizning pozitsiyamizni mustahkamlaydigan yana bir narsani qo‘shsa, biz tayyormiz», - deya qo‘shimcha qildi Ukraina rahbari. “Zamin” yangiliklarini “Facebook”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Xalqaro jinoyat sudi Isroil bosh vaziri Netanyaxuni hibsga olishga order berdi
2026 yilda bo‘lajak mundialning favoritlari reytingi taqdim etildi
Xalqaro jinoyat sudining orderi Isroilni nega qo‘rqityapti?
22 noyabr kuni Cobalt avtomobiliga shartnoma ochilishi e’lon qilindi
Italiya sudi Quddus Isroil poytaxti emasligi haqida qaror chiqardi
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
