Foto: president.gov.ua
Nyu-Yorkda bo‘lib o‘tgan «G7+Ukraina» yig‘ilishida Yevropa Ittifoqi va 30 dan ortiq davlat Rossiya bosqinidan jabr ko‘rgan mamlakatni qayta tiklash bo‘yicha qo‘shma deklaratsiya qabul qildi. Payshanbaga o‘tar kechasi Ukraina prezidenti devonining rasmiy saytida e’lon qilingan uchrashuv yakunlari bo‘yicha press-relizda qayd etilganidek, hujjatda G‘arbda muzlatib qo‘yilgan Rossiya aktivlaridan Kiyev uchun foydalanish masalasi mavjud.
Deklaratsiya bandlari orasida «Ukrainaning YEIga a’zo bo‘lish yo‘lida tiklanishiga to‘liq yordam», 2023 yilda ishga tushirilgan Ukraina donorlar platformasini qo‘llab-quvvatlash, shuningdek, Kiyevga yil oxirigacha taxminan 50 milliard dollar miqdorida qo‘shimcha moliyaviy yordam ko‘rsatish kiradi. Buning uchun G‘arb mamlakatlarida muzlatilgan Rossiya aktivlaridan tushadigan daromad ishlatiladi va pulning bir qismi Ukrainaning «mudofaa ehtiyojlari»ga yo‘naltiriladi, deyiladi xabarda.
Deklaratsiyani imzolashda AQSHda bo‘lib turgan Ukraina prezidenti Volodimir Zelenskiy, Yevropa komissiyasi raisi Ursula fon der Lyayen, Britaniya bosh vaziri Kir Starmer, Italiya va Kanada hukumat rahbarlari Jorja Meloni va Jastin Tryudo, shuningdek, AQSH prezidenti Jo Bayden va 20 dan ortiq boshqa mamlakatlar vakillari ishtirok etdi.
Bayden Ukrainani «qo‘llab-quvvatlash tezlashishini» e’lon qildi
Ukraina prezidenti devoni iqtibos keltirgan Baydenning so‘zlariga ko‘ra, deklaratsiya «Ukrainani hozir va kelajakda qo‘llab-quvvatlashni yana bir bor tasdiqlash uchun» keyinroq e’lon qilinadi.
Bundan tashqari, Amerika rahbari Kiyevni harbiy qo‘llab-quvvatlashning yangi choralari haqida gapirishini aytdi: «Ukraina g‘alaba qozonishi uchun zarur bo‘lgan narsaga ega bo‘lishini va uning omon qolishi uchun kurashini tezlashtirish uchun bir qator harakatlarni e’lon qilaman».
26 sentyabr kuni Bayden va AQSH vitse-prezidenti Kamala Harrisning Zelenskiy bilan alohida uchrashuvi bo‘lib o‘tdi. Ukraina prezidenti mamlakatning unga qarshi ochilgan urushdagi «g‘alaba rejasi»ni taqdim etdi.
Baydenning Zelenskiy bilan muzokaralari oldidan AQSH Mudofaa vazirligi Ukrainaga 375 million dollarlik yangi harbiy yordam paketini e’lon qildi. Mamlakatlar yetakchilarining uchrashuvi chog‘ida Qo‘shma Shtatlar Kiyevga 8 milliard dollar miqdorida qo‘shimcha harbiy yordam berishi ham e’lon qilindi. “Zamin” yangiliklarini “Odnoklassniki”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Diniy qo‘mita Umra ziyoratini tashkil qilish uchun 12 ta turfirmaga litsenziya berdi
Zelenskiy Putin borasida bayonot berdi: “Tinchlikni istaganlar yuziga tupurmoqda”
Putin Ukrainadagi obyektga ballistik raketa zarbasi berilganini e’lon qildi
O‘mon sultonligi elchisi: «Urushlarni harbiy kuch bilan hal qilib bo‘lmaydi»
Shavkat Mirziyoyev Rossiya bosh prokurori bilan uchrashuv o‘tkazdi
Befoyda va qimmat: shifokorlar tavsiya etmaydigan 5 turdagi biologik faol qo‘shimchalar
