Foto: Reuters
Isroil mudofaa armiyasi avvalroq «Hizbulloh» guruhining Bayrutdagi obyektiga aniq zarba berganini xabar qilgandi. Livandagi manbalarga ko‘ra, zarba oqibatida «Hizbulloh»ga tegishli tibbiyot markazi shikastlangan.
BBC'ning Livan poytaxtidagi muxbiri shahar markazida kuchli portlash ro‘y berganini xabar qilgan. Shuningdek, Bayrut janubida ham avvaliga uchta portlash, uning ortidan yana ikkita portlash kuzatilgan.
Shikastlangan bino Al-Bashur tumanida joylashgan. Foto: AFP
Muxbir ma’lumotiga ko‘ra, zarbaga uchragan bino Al-Bashur tumanida, Livan parlamenti hamda BMTning mintaqaviy shtab-kvartirasi yaqinida joylashgan.
Isroil armiyasi Bayrut markaziga ilk zarbani dushanbaga o‘tar kechasi yo‘llagandi, bunga qadar faqat shaharning janubiy chekkalari o‘qqa tutib kelinayotgandi, bu yerdagi Dahiya tumanida «Hizbulloh» obyektlari joylashgan.
Isroillik harbiylar tunda yana Livan poytaxti janubidagi ayrim tumanlar aholisini SAHAL zarba berishni rejalashtirayotgan bu hududlarni tark etish to‘g‘risida ogohlantirdi.
«Siz „Hizbulloh“ga tegishli obyektlar yaqinidasiz, armiya yaqin kelajakda harakatga tushadi», — degan Isroil mudofaa armiyasi vakili Avixay Adrai.
Livan sog‘liqni saqlash vazirligi so‘nggi kun davomida isroilliklar zarbalari oqibatida 46 kishi halok bo‘lib, 85 kishi yaralangani to‘g‘risida xabar berdi.
Bayrut janubida chorshanba oqshomidagi holat. Foto: AFP
Chorshanba kuni, Livan bilan chegarada quruqlik amaliyoti boshlangani e’lon qilinganidan keyingi kunda Isroil armiyasi «Hizbulloh» bilan janglarda halok bo‘lgan ilk harbiy xizmatchisi haqida xabar berdi. Keyinroq harbiylar orasidagi qurbonlar soni sakkiz nafarga yetdi.
«Hizbulloh» vakili chorshanba kuni guruh jangchilari «mudofaaga to‘liq tayyorligi» va Isroil armiyasi bilan kurashish uchun yetarli miqdorda o‘q-doriga ega ekanini bildirdi.
Chorshanba kuni tongda ham Isroil mudofaa armiyasi Livan janubidagi 25 ga yaqin qishloq aholisini evakuatsiya zarurati haqida ogohlantirgandi.
Isroil armiyasi avvalroq Livan janubidagi chegara qishloqlarda «terrorchilik infratuzilmalari»ni yo‘q qilish bo‘yicha amaliyotga qo‘shimcha bo‘linmalar jalb etilgani haqida ma’lum qilgandi.
Isroil bosh vaziri Binyamin Netanyahu halok bo‘lgan askarlarni xotirlab, ular «Isroilni yo‘q qilishga intilayotgan Eron qarshilik o‘qiga qarshi og‘ir urushning avj pallasida» jon berganini aytgan.
«Bunday bo‘lmaydi, chunki biz birgamiz va xudoning yordamida g‘olib bo‘lamiz», — degan u.
Isroilning havo hujumidan mudofaa kuchlari chorshanba kuni ham hujumlarni qaytarish uchun harakatga keltirilgan — SAHAL ma’lumotiga ko‘ra, kun davomida Livan janubidan Isroil shimoliga 240 dan ortiq raketa uchirilgan.
1 oktyabr kuni Isroil havo hujumidan mudofaa kuchlari Amerikaning O‘rta yer dengizi sharqida turgan esminetslari yordamida Eron «Hizbulloh» va Hamas yetakchilari o‘ldirilishiga javoban uchirgan 200 ga yaqin ballistik raketalarni qaytargandi.
Netanyahu Livandagi quruqlik amaliyoti «Hizbulloh»ning imkoniyatlarini zaiflashtirib, jangarilarni chegara hududlardan chekinishga majbur qilishi, bu esa o‘n minglab isroilliklar mamlakat shimolidagi uylariga qaytishiga imkon berishiga ishonmoqda. “Zamin” yangiliklarini “Instagram”da kuzatib boring
Ctrl
Enter
Xato topdIngizmi?
Iborani ajratib Ctrl+Enter tugmasini bosingMavzuga oid yangiliklar
Xalqaro jinoyat sudi Isroil bosh vaziri Netanyaxuni hibsga olishga order berdi
“Hizbulloh” bir sutkada Isroilga qarshi 20 ga yaqin harbiy amaliyot o‘tkazdi
Metabolizm sekinlashganining belgilari
Husiylar Isroil aviabazasiga gipertovushli raketa bilan zarba berdi
Turkiya o‘zining birinchi kvant kompyuterini taqdim etdi
Har payshanba jismoniy tarbiya va sport kuni sifatida belgilanadi
Ramzan Qodirov G‘arb davlatlariga hujum qilishga chaqirdi: “Haqiqiy urush qandayligini his qilishsin”
Superliga. OKMK safarda "Paxtakor"ni mag‘lub etdi va 11 yillik qora an’anaga chek qo‘ydi
